قصيدة : اجيتك اخدمك واني ممنون
الشاعر : سيد سعيد الصافي

الرادود : الحاج ملا بلاسم الكربلائی
المناسبة : شهادة الامام الكاظم ع

طور : أريدك تجيني تغمض العيون
ليلة 26 رجب 1438 النجف الاشرف
 

إجيتك أخدمك و آني ممنون
لگيتك مرادي و أدري مضمون
فرض عندي زيارتك
عمري فدوه لخدمتك .. وآني ممنون
******
اجيتك باعتقادي وخالص النيّه
عبد مابين إديك وآمر عليه
أجي اعله الراس إذا ماتكفي رجليه
الك خادم أظل لآخر نفس بيه
شعوري اسمعك يا هلا تگول
سروري موالي قصدي مقبول
وانحسب من شيعتك
عمري فدوة لخدمتك .. واني ممنون
******
شفت كل الحوائج حلها يمّ بابك
صُبح واجب عليه أسجد على أعتابك
سجين وراهب وطاموره محرابك
بعد يا دمعه ما تنزل عله مصابك
بچيتك ولو ما تكفي الدموع
نعيتك نواعي الگلبه مفجوع
حزن روحي مصيبتك
عمري لخدمتك .. واني ممنون
******
أمدحك من ردت يا موسى بن جعفر
رجفّ گلبي وأحسّ لساني يتعثر
أذان الحق سمعته بمرقدك كَبّر
لون تدري بفضل هذا الغصن شثمر !
صفاته مسامح غيّظه مكظوم
حياته گضاها بسجن الهموم
ومن سمعت بقصتك
عمري فدوه لخدمتك .. وآني ممنون
******
إذا جدك محمد وأمك الزهره
أصل غصنك فرع من شجرة القدره
عله المثلك قليله الدمعه والحسره
غريب ولا معين المن هله يحضره
دعائه حزين ويجرح الصوت
رجائه تگرب ساعة الموت
والله ينظر حالتك
عمري فدوه لخدمتك .. واني ممنون
******
من سجن لسجن لمن ينقلونه
اگول بيا ذنب چانوا يطلبونه
تحت أمر الخليفه الطاغي يردونه
وعلى بغض الوصي حيدر يبغضونه
ظلمهم ورث من ظلم الاعراب
خصمهم محمد يوم الحساب
من يقدم شكوتك
عمري فدوه لخدمتك .. واني ممنون
******
كتاب الله بسجن هارون تأويله
ولا يگدر نهاره يميّزه من ليله
السجن مظلم غدت حيطانه تبچيله
ولا نندل مكانه و حته نبچيله
يشيعه وبعد ما ندري بالصار
فجيعه اجتنه تگول الاخبار
كل املنه بطلعتك
عمري فدوه لخدمتك .. واني ممنون
******
و المبّشر إجانه بخبر ونسمعه
يشيعه يگول يوم الموعد الجمعه
طلعنه لشوفته نركض فرد طلعه
ماندري الغريب يريدنه نشيعه
فزعنه نشوفه جينه بالحال
رفعنه جنازه وبيها اغلال
ردنه نحضّه بشوفتك
عمري فدوه لخدمتك .. واني ممنون
******
يناعي يالصحت هذا الغريب منين
ليش اعله الجسر وين أهله راحوا وين
غريب الما تشيّع أبو اليّمه حسين
ولا تنشف عله مصابه دموع العين
ضحايا أخوته وكل الأصحاب
سبايا عياله بولية أجناب
يالرثيته بدمعتك
عمري فدوه لخدمتك .. واني ممنون

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x