Mon20210510


هل شعبان

باسم الكربلائي

هل شعبان باسم الكربلائي
باسم الكربلائي
موشحات ومدائح
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
هل شعبان - باسم الكربلائي
تاريخ الاضافة
2017-05-08
المشاهدة
980
المدة
00:06:23
عدد التحميلات
478

نص هذا المقطع

قصيدة : هل شعبان
الشاعر : السيد عبدالخالق المحنة

الرادود : الحاج ملا باسم الكربلائی
المناسبة : ولادة أبطال كربلاء

باحة النادي الحسيني النبطية - جنوب لبنان

هل شعبان بعياده حسين حسين
ثالث يوم ميلاده حسين حسين
******
بچفوفي اغصان الورد مغروسة
و الابتسامة حرة مو محبوسة
اباب الحسين اليوم حلوة الهوسة
باب الله هذا و الموالي يبوسه
عيسى بسماء السابع ضرب ناقوسه
واليوم طريت البحر يا موسى
قلبي اليوم تغريده حسين حسين
غير حسين ماريده حسين حسين
شفنا العيد من عيده حسين حسين
خلها تموت حساده حسين حسين
******
هاليوم حيدر معلن بافراحه
حسين نص الليل طر مصباحه
محبوب و وجوه التحب وضاحة
حتى الشموع التنچوي مرتاحة
جبريل ينثر عالارض قداحه
واليوم فطرس يستعيد جناحه
نظرة شوق معسولة حسين حسين
فرحة تريد هلهولة حسين حسين
مهده سيوف مسلولة حسين حسين
دق للدين اوتاده حسين حسين
******
عباس اول ما بدا مولوده
حيدر اجاه يقبله بزنوده
هذا البطل هذا اليوافي وعوده
عباس هذا من يجي لحدوده
زينب تبوسه بعينه مو بخدوده
عباس خويه بوستي مقصودة
يا عباس يالغالي حسين حسين
من هاليوم كفالي حسين حسين
عينك دوم تبرالي حسين حسين
اني وياك فد راده حسين حسين
******
عباس اول مولده بي آية
فسرها حيدر و الكلام هواية
من طاح شال يمينه شنهي الغاية
حيدر يقول يدور على الراية
باوع لزينب و انطه اخته حچاية
قاللها موعدنا عالمسناية
باس حسين عباسه حسين حسين
حتى يعيش بانفاسه حسين حسين
چن يقول باحساسه حسين حسين
اني الجيش و القادة حسين حسين
******
اليوم آيات الشعر محتارة
بزين العباد و مولده و انواره
اسرار كل الانبياء اسراره
هاجر تحمله و التقمطه سارة
ملهوفة سيقان العرش لنظاره
زار النبي و زار العرش من زاره
اشراقات قدسية حسين حسين
نور اقمار شمسية حسين حسين
والنظرات همسية حسين حسين
فتحت باب امجاده حسين حسين
******
مبعوث من رب العرش جبريله
باقة ورد للمصطفى و تهليلة
هالليلة فرحتنا بكبر تعجيله
مولد ابوصالح المهدي الليلة
شايل على جروحي شمع واشكيله
بر و بحر وادي و جبل يدعيله
بالمولود نادينه حسين حسين
رفعة راس مهدينه حسين حسين
من يعود والينه حسين حسين
ياخذ ثار اجداده حسين حسين

المرسل: الثلاثاء, 19 كانون2/يناير 2021