Mon20210517


من نومي أفز

باسم الكربلائي

من نومي أفز باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
من نومي افز - باسم الكربلائي
تاريخ الاضافة
2017-03-28
المشاهدة
4742
المدة
00:05:49
عدد التحميلات
404

نص هذا المقطع

قصيدة : من نومي أفز
الشاعر : عمار الواسطي

الرادود : الحاج ملا باسم الكربلائی
قصيدة النزلة ليلة 5 صفر 1438

 

من نومي أفِز و أتذکّر الحِلِم
ألگه الدمع گایدني للیِتِم

******

بویه مشتاگه أشوفک و أغفه بین أحضانک
تدري أحب کلمه رقیّه حلوه من إلسانک
عَمّتي گالتلي ترجع حَضّریت إمچانک
بویه چا لیش الخرابه مو مثل دیوانک
ظلیّت أتاني و جرحي ینلچِم
ألگه الدمع گایدني للیِتِم

******

المهم تانیت لکن ما شفتها ارسومک
والله من گد إشتیاقي گُمت أشِم بهدومک
أحسب أیام و لیالي و إنتظاري لیومک
صار مُدّه ما إجیت و لا إجتني اعلومک
کل لحظه قطعه ابگلبي تنلِثِم
ألگه الدمع گایدني للیِتِم

******

إشگد بچیت و غیر چفّک مِن یِنَشف إدموعي
بالسبي یگلولي إسکتي و زاد خوفي و روعي
شَتِّموني و لوِّعوني و حسرتي بضلوعي
إزغیره مو حمل المصایب لاتطفي اشموعي
وحشه سَماي و مختفي النَجِم
ألگه الدمع گایدني للیِتِم

******

لحظه من لحظات شوگي الأسرع امن أقداري
روحي سئلتني علیکم خلّصت أعذاري
غُمْضَت اعیوني و لگیتک بالحلم خُطاري
فرّحِت گلبي بقدومک یا ربیع أزهاري
بس إبقی یَمّي و تعبي مو مهم
ألگه الدمع گایدني للیِتِم

******

ابلا وعي فَزّیت بویه و گلبي فَز مِن یَمّه
راد یطلع من ضلوعي و شوفتک کِل حِلمَه
عمتي زینب شاهدت أرکض إلها ابهِمَّه
هیه هم رکضت علیه و آنه أصیحن عَمّه
بعیوني طیفک بعده یبتسِم
ألگه الدمع گایدني للیِتِم

******

عمتي صاحت ها رقیّه اشبیچ یا دَلّالي
جاوبتها عمّه زینب شفت أبویه الغالي
من بچت إحساسي گلّي ماترد للتالي
للأسف ضاعن سویّه طیفک و آمالي
باقي الحلم بخدودي ینرِسِم
ألگه الدمع گایدني للیِتِم

المرسل: الثلاثاء, 11 أيار 2021