قصيدة : لا قضاءو لا قدر
الشاعر : ناظم الحاشي

الرادود : الحاج ملا باسم الكربلائی
المناسبة : ليلة ٢٠ جمادى الاولى

حسينية الرسول الأعظم/بغداد


لا قضاء ولا قدر
امي كاتلها القهر
يلي ماعندك قناعه بفعل الاشرار
هاي نار الباب يمك وأسأل النار
امي .. امي
******
گبل ثوب الكعبه اسود لبسوها
صار موت امي اويه ساعة موت ابوها
من حقدهم ضد محمد حاربوها
وابرضاها الباري يرضه و ما رضوها
امي ماتت بالألم
لا بسيف ولا سهم
طلعت بكشف الدلاله اثار بسمار
******
أمي يبني الطير عشه بچف ايديها
من كثر ما تشفع الامة نبيها
كلشي موجود بمحمد امي بيها
باطل الصلى ونِسى يصلي عليها
امي باب المغفره
بعد ابوها وحيدره
منها رادو ضد محمد ينوخذ ثار
******
يا گلب ما شالته گلوب البريه
گبل ما ادنگ عليها تبوس ايديه
امي ماتت گبل يوم الغاضريه
حتى ما تسمع خبر زينب سبيه
امي نور بكل ضوه
عطر جنه ويه الهوه
بيها مستودع عظيم السر الاسرار
******
ما شفت مثل الحنان الأمي عدها
ميته وتفك عينها لدمعة ولدها
عمري لو طال وگصر ميهم بعدها
ماتت وآثار دمعتها إعله خدها
اي وحگ كسر الضلع
عيني عاميها الدمع
من شفت حيدر بعدها بأمره محتار
******
چنت من أسألها يمه شلونچ إنتي
تطيح دمعتها گبل طيحت دمعتي
آنه مظلومه متت لاچن يبنتي
مثل قصتچ ماتجي المعشار قصتي
مثل قصتچ ماجرت
ما انكتبت وانقرت
گالت تشوفين مذبح سيد الأحرار
******
عمري خمس سنين منها ويتموني
وابعمر خمسين رجعو اسروني
بزغري وبكبري النواصب عذبوني
لا رِعو جدي الرسول ولا رعوني
وأستمر هذا الحقد
ضدنه من ولد الولد
بالبقيع أگبور أهلنه ظلت أحجار
******
مره عالمحسن بچيت و واعدتني
الله راح يعوضه ثاني وفرحتني
گالت العباس أخوچ وبشرتني
رادت انقلّه السلام وبلغتني
سلميلي إعله الأبي
الماترك سبط النبي
يمّه گليله تشكرك بنت الأبرار
******
يالتريد تزورها وتشتم عطرها
وترضه عنك فاطمه وهيه بگبرها
روح لأمك طيعها ولا تعصي أمرها
وإنطي عمرك للفنت لأجلك عمرها
تدري للأم منزله
مثل باء البسمله
اي وحگ المارعوها وحرگو الدار

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x