مبعوث السمه

قصيدة : مبعوث السمة
الشاعر : علي السقاي

الرادود : الحاج ملا باسم الكربلائی 

من غاب مبعوث السمه
دنياك صارت مظلمة
مأجور ياحامي الحمة
يابو حسين
******
صرخة تدوي بهمه تروي
قصة خالفها الصبر
چن نشوفك من تعوفك
ياعلي اهل الغدر
بدمعة على الخد وبمحمد
عظم الباري الأجر
والعضيدك انت بيدك
نزلت جسمه القبر
واريت جسم المرحمة
وياه حد الخاتمة
▪️▪️▪️▪️▪️
الناعي لمن بموته اعلن
دارت اعليك الفتن
من هو عندك انت وحدك
عقب عين المؤتمن
والعجيبه ابهالمصيبة
يبقه جسمه او مندفن
للديانه ابهالخيانه
بايعوا ذاك الوثن
بليس بيعة اسلمة
واعليك راد اقدمة
▪️▪️▪️▪️▪️
الهادي جسمه منهو يمة
بالنعش ليش انهجر
منهو عافه للخلافة
وابد ماصدق خبر
يالحضرته الخد حفرته
او بالدمع قبرة انحفر
انت أدره باليحضرة
او بالسقيفه من حضر
غصبوك قوم الظالمة
اوممنوع تنصب مأتمه
▪️▪️▪️▪️▪️
يالحملتة اوعله جثتة
عبرة اوداعك تصب
الفرقه صعبه تدري عقبه
ياعلي اتعيش ابغرب
بدفنه حاير شنهو صاير
بيدك لزمت القلب
بالمدامع مايطاوع
قلبك اتهيل الجروح
مكسور والمدمع همه
بمصاب حيلك هدمة
▪️▪️▪️▪️▪️▪️
بقبرة عفته من دفنته
ورايد الدارك ترد
وابنحيبك عن حبيبك
غصب رايح تبتعد
وانت خوفك لاتشوفك
الزهرة والحالك تصد
حمرة عينك وابأدينك
ياعلي اغبار اللحد
ابهالحال روحك هايمة
وتشوف دمعة فاطمة
▪️▪️▪️▪️▪️▪️
تواسي بنته الزهرة وانته
هم مثلها منفجع
الحاله تصعب هي تنحب
وانته كل عينك دمع
تبجي ليه تدري بيها
الهم عليها يجتمع
والفجيعه هالوديعة
تردها مكسورة ضلع
ضلعين منها امهشمه
وشلون غيضك تكظمه
▪️▪️▪️▪️▪️▪️
اتريد تثأر لا يحيدر
الثار الله يأخرة
المهدي قادم او هوه ناقم
بيه نارك مسعرة
واعله ثارك ذو الفقارك
شفرته اتضل ناطرة
ندعي لجله الربي يعجله
والله يجبر خاطرة
عيناه مثلك ناقمة
والسيف بس يروة بدمة