Fri20210423


دعيتك

باسم الكربلائي

دعيتك باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
دعيتك - باسم الكربلائي
تاريخ الاضافة
2017-01-12
المشاهدة
829
المدة
00:00:00
عدد التحميلات
325

نص هذا المقطع

قصیدة : دعیتک

  الرادود : الحاج ملا باسم الكربلائی


دعیتك و الدمع یجري یَربّي
إعلی گبر حسین إخذ عُمري یَربّي
خل یلفیني یگرب حیني
تغمض عیني یم احسیني

******

أنا زینب یَـ خَلّاق البریّه
دعیت و للسما مَدّیت إدیّه
چنت معروفه بِسمِ الهاشمیه
و تبدّل إسمي و أصبحت السبیّه
مِن الشام إرجعت للغاضریه
و علی اگبور إخوِتي رِدت المنیّه
یَریت ابکربلا لِحدِي یَربّي
و لا رد للوطن وحدي یَربّي
إقبض روحي یم مذبوحي
تشفه اجروحي و اتداویني

******

العَبِد وکت الشدد بس عنده ربّه
و أنا مِنَک یَربّي عندي طلبه
علیل ابکربلا خل یگضي نَحبَه
و لا طب بیت أخویه حسین عُگبَه
عُگب عینه عَلیه العیشه صعبه
أحس حتی الوطن بخلافه غُربه
إذا ماشوفن إخواني یَربّي
أعیش الغربه بـ أوطاني یَربّي
عِشت اویاهم ما أنساهم
و ابفرگاهم شیسَلّیني
******
شفیعي حیدره الطاعن بسیفین
و اُمي القَدّمَت بالباب ضلعین
یَربّي ابکربلا خل تغمض العین
و خل یلفیني بالطف طارش البین
أرید إیصیر گبري بین الإثنین
بین إخواني أبوفاضل و الحسین
أناجیك بدمع و آه یَربّي
و أنادي بصوتي یا الله یَربّي
إخذ أنفاسي یم عباسي
فایض کاسي هَمّ اسنیني

******

یَربّي الموت عندي هَیّن أمره
ولا رد للوطن و عیوني حَمره
أنا أدري بالشماته اهناکه کَثره
و أنا أدري ابـ عاذلي حالي یسرّه
یِگِلّي کافلچ مِنّج تِبَرّه
رِضَه بید الشمر ترحون أسره
شجاوب عاذلي من الناس یَربّي
إذا ناشدني عن عباس یَربّي
لو ذکروني حادي اظعوني
اتفیض اعیوني یِعلَه اونیني
******
یَربّي شلون أرجع للمدینه
إذا مو کافلي ایقود الظعینه
العلیله من أرِد و تعتنینه
شجاوب من تِگِلّي حسین وینه
أگلها بالسیوف امگطعینه
و ابخیل العوادي امرضرضینه
العلیله اترید غایبها یَربّي
إذا سئلت شجاوبها یَربّي
ابدمعة فاجد الطفله اتناشد
بالله الوالد یمته ایجیني

******

یَربّي مثلي کل مذهول أثَکلَه
تِحَسّبها المنیّه عندها سهله
رباب اتحاچي عبدالله و تِگِلّه
یالمدلل مماتي اویاك یِحلی
دمع لیلی لعلي الأکبر تِهِلَه
ابگبر جاسم ترید اتنام رَملَه
نِرِد و الطیبه مسرانه یَربّي
رُقیّه ماهي ویانه یَربّي
و انت الداري بوحشة داري
منهو ایداري و ایباریني

المرسل: الإثنين, 25 كانون2/يناير 2021