يا حبيب ابن مظاهر

قصيدة : صحنه صوت من الضمائر

الشاعر : علي الخفاجي

الرادود : الحاج ملا باسم الكربلائی

صحنه صوت من الضمائر...يا حبيب ابنَ مُظاهر

******

جيت الملهوف اجيتك و انت تعرف غايتي...يا حبيب ابنَ مظاهر منك أطلب حاجتي

جيتك و جايب ضميري بيدي شايل رايتي...آنا يا شيخ العقيدة يمك أرفع صرختي

دمك اعله الظلم ثائر...يا حبيب ابنَ مُظاهر

 ******

جينه نتحده النواصب من ضريثح التضحيات...احنه عدنه الموت أحله لا مذله اويه الطغاة

بعدما يعطش حسين و لا يمنعون الفرات...مثل جابر نعتنيك عالرمل نمشي حفاة

أبد ما عفنه الشعائر...يا حبيب ابنَ مُظاهر

 ******

احنه شيعة و ما نعوفك يا حبيب المرتضه...راسك المقطوع ناده فلتعيش الرافضه

نقسم بدم الكرامة يا شهيد الموعظه...نوصل ازحوف الضريحك غصبن اعله الما رضه

بكل عصر ويانه حاضر...يا حبيب ابنَ مُظاهر

 ******

شفنه بالتاريخ زمرة لعبت أدوار الفتن...ضدك أحفاد آل أمية رجعت ابهذا الزمن

احنه مثلك حاربونه و أبد ما بعنه الوطن...صحنه شيعة و نبقه شيعة و احنه جيش ابن الحسن

نمشي للموت و نخاطر...يا حبيب ابنَ مُظاهر

 ******

للضماير نبقه صرخة و الولي يبقه الولي...صحنه و العالم سمعنه لا فتى الا علي

خل يعادينه اليعادي هذا حبنه الأولي...يبتلي ابدمنه اليعاند و الله باجر يبتلي

هذا صوت من المشاعر...يا حبيب ابنَ مُظاهر