يا با الفضل

قصيدة : يرواي...يا بالفضل

الشاعر : ناظم الحاشي

الرادود : الحاج ملا باسم الکربلائی

يرواي...يا بالفضل
وين الماي...يا با الفضل
******
راح حاجه حسينه...بعينه ما حط عينه
قله صوت اسكينه...اتصيح عمي اروينه
منهو يفزع لينه...كون ما تسقينه
******
صاح لو أفنيها...لو اسكينه أرويها
بالحرب راعيها...امنين ما أطب بيها
الگاع بيدي أطويها...و العده انبّجيها
******
من أسل اسيوفي...اتخاف من اجفوفي
ما تغيب اطيوفي...عن شمس معروفي
كل حرف بحروفي...ايصيح منك خوفي
******
هذا عهدي الديني...حيدره اموصيني
ما أعوف حسيني...لمن ما يلقيني
قطعن جفيني...و السهام بعيني
******
حسين طلعت روحه...من نظر لجروحه
جثته المذبوحة...عالنهر مطروحة
جبل ينعه اسفوحه...جف عدوه ايلوحه
******
زينب اتعناها...بالخبر وافاها
قلها راح احماها...و قام يبجي اوياها
من بجه المبجاها...بس إلك سواها
******
عالنهر خليته...بالعلم غطيته
بالقلب حبيته...بالنحر شميته
بالدمع حنيته...للصدر ضّميته