آنا الخليفة

القصيدة : انا الخلیفه
الشاعر : السيد عبد الخالق المحنة

الرادود : الحاج ملا باسم الكربلائی
خدمة محبي باسم الكربلائي تقدم

آني الخلیفه و السقیفه تنتهي بالغاضریه
صح طاح الکِفَل بس آنه موجوده
صح جیش الخدر لبوة علي إتقوده
******
الیوم وین الیظن حد الشرف داسه
الیوم آني العِلیت و هو طخ راسه
الیوم آني علي و صولاته و إحساسه
الیوم آني الحسین و آني عباسه
آني الأمیره مو أسیره بالمواقف هاشمیه
لا حامي الحمه من یوصل إحدوده
صح جیش الخدر لبوة علي إتقوده
******
إهنا تبدي القیامه و یبده إحسابي
إهنا باب الله آني و منقل أحبابي
إهنا توگع سَمانه بوگعة إحجابي
إهنا حتی الهوه مایلمس إثیابي
آني الأصاله و الکفاله و الرساله الأحمدیه
ظل بیدي اللّوه ما فارگ إزنوده
صح جیش الخدر لبوة علي إتقوده
******
انشوف یخسه الشمر مایحدي بظعوني
انشوف آني الأذلهم ما یِذلّوني
انشوف هذا الفقار بخزرة عیوني
انشوف صوت الله صوتي و ما یِسَکتوني
أمشي سفیره ابهل مسیره ینتهي حکم آل أمیه
سَل سیفه علي کل زودي مِن زوده
صح جیش الخدر لبوة علي إتقوده
******
الویل یا بِن سَعد لاتفرح إهوایه
الویل لا تشتبه عند زینب الرایه
الویل ما أنسِبي و رووس إخوتي اویایه
الویل والله أفَلش الکوفه بحچایه
لکن أگلک إلّا أذِلّک لاتظن آني سِبیّه
قل اُخت الگمر صولتها مشهوده
صح جیش الخدر لبوة علي إتقوده
******
ایزید کِد کیدک و خل زینب ابـ بالک
ایزید آني ابعباتي و انت برجالک
ایزید لا ما یهمني انت و أمثالک
ایزید لا تبتسم و ابچي علی حالک
و الطالبیه فاطمیه و انت ما تحکم علیّه
ثِق حکمک تره أیامه معدوده
صح جیش الخدر لبوة علي إتقوده
******
الآن صار النزال و دمعتي ترعي
الآن یا حرمله و إنمیر و النخعي
الآن یبن طُفیل و شِبث ابن رِبعي
الآن منهو انتصر هالجیش لو دمعي
هاي الظعینه کالسفینه الما رکب خالف نَبیّه
ظل مثل الشمر یغرگ مع إجنوده
صح جیش الخدر لبوة علي إتقوده
******
أیتام صاروا کتیبه و تمشي گِدامي
أیتام صارولي ظِل ابحرگت إخیامي
أیتام کلهم حمیه و شَدّوا إحزامي
أیتام سحگوا غرور الکوفي و الشامي
حیدر أبویه وین أبوکم بالقِلاع الخیبریه
فَر مِن الحرب ما وَفّه بوعوده
صح جیش الخدر لبوة علي إتقوده
******
الشام لاتفرح أهله ابجیّة الأسره
الشام إلّا أگلبه و أعلن الثوره
الشام اباب النواصب و آني منتظره
الشام ماینقلع إلّا بدمع حُرّه
لازم أقِلعه و ألغي وضعه بي أذِل الناصبیه
خَل یابالحسن بالمسجد إنشوده
صح جیش الخدر لبوة علي إتقوده
******
أحرار ثوره دموعچ أثمرت عدنه
أحرار صرنه حشد شعبي و تِوَحدنه
أحرار تخسه النواصب توصل لحدنه
أحرار دم النحر فدوه لمراقدنه
إدعي لحشدنه یالعقیله ذوله کلهم مهدویه
صح لأهل الحشد هالدعوه مریوده
صح جیش الخدر لبوة علي إتقوده