Thu20210729


اتمهلي يا نايبة

باسم الكربلائي

اتمهلي يا نايبة باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
اتمهلي يا نايبة - باسم الكربلائي
تاريخ الاضافة
2016-06-14
المشاهدة
1050
المدة
00:14:25
عدد التحميلات
416

نص هذا المقطع

قصيدة : اتمهلی یانایبه
الشاعر : علي السقاي

  الرادود : الحاج ملا باسم الكربلائی 

 

اِتمهِّلي يانايبه واتصبُّري
الليله بس خل يبقه يمنه العسكري
خل نِسِئله اِبهالظلام
منهو من بعده الإمام
******
الليل كالعاده ابظلامه ينتشر لون السواد
لچن هذا الليل ندري لابس اثياب الحداد
ولي الله مِن يودّع تنفجع بيه العباد
يانهار ايشع علينه؟ اْو تندفن شمس الرشاد

گبل ما تفجعنه بيه النايبه
گبل ما تبچي الجفون الذايبه
اوياه بس عدنه كلام
منهو من بعده الإمام
******
عن مُحمد هالروايه " إلأئمه إثنا عشَر "
العسكري لابد يوَصّي نؤمن ابهذا الخبَر
شيعه عدنه هالعقيده اِمن النبي ابيوم احتضَر
ماترك هالأُمه إلاّ ابعلي وصّه اْو بي أُمَر

ننتظر أمر الإمام اْو نلتزِم
وينه مَن بيه الإمامه تنختِم
إلمن ايصير المقام
منهو من بعده الإمام
******
نسئِله اْو حيره ابوجهنه اْو ساوَر البعض ارتياب
العسكري أخبَر خواصه اْو ماتركنه ابلا جواب
ابزمن يحتاج التقيّه اِتكشِّر اَنياب الذياب
گلهُم الحُجّه ابغيابي شمِس بس خلف السحاب

اللقب "مهدي" والإسم إسم النبي
يلزم الدين اليبايع هالصَّبي
اِعرفنه هذا الإلتزام
منهو من بعده الإمام
******
العسكري گال العلامه باچر ابموتي تِحين
مِن يصلّي عالجنازه صَبي ذو خمسة سنين
اِينَحِّي جعفر عن مكانه اْو هالفعل واضح مُبين
بس إمام ايصلّي لازم عالإمام اْو هذا دِين

بالشيوخ ايصلّي واهوَه ابهالعُمُر
جاهل اللي يعترض هذا الأمر
يتضح إلنه المرام
منهو من بعده الإمام
******
الأرض ما مِن حُجّه تِخله هذا وعد امن السمه
العسكري يمضي اِلمصيره والإمامه قائمه
الما عُرف منهو إمامه ابگلبه مو عينه العمه
ايموت موته جاهليّه والرسول ايخاصمه

واحنه بعد العسكري اِنأدّي العهد
للإمام المهدي رغماً عالجِحَد
خلها تعرف هالأنام
منهو من بعده الإمام
******
المهدي موعود الجلاله اوْ هوّه هذا المنتظر
مُصلح ايقيم العداله اْو مُنتقم وصفه اِنذكر
چم جرح وايتاني ثاره چم ضلع ظلْم انكسر
چم متن والهسّه أزرگ چم جبين اْو چم نحر

العسكري مو إحنه بس النِسئِله
الليله عن شبله تسائل كربله
اْو تسئله ذيچ الخيام
منهو من بعده الإمام
******
غايب اْو ننتظره يظهر ندعي يارب العجل
اْو يكفي عشنه ابإنتظاره لوَن أدركنه الأجل
وابدعاء العهد ندعي اْو عدنه بالرجعه أمل
بالچفن يِخرجنه ربنه اِنجرِّد اَسياف اْو أسل

انحارب الغدروهم ابطول الزمن
الأجهِزَوا عالمصطفه اِلحد الحسن
اِنراوي أبناء الحرام
منهو من بعده الإمام

المرسل: الإثنين, 25 كانون2/يناير 2021