Thu20210128


رواسي الصبر

باسم الكربلائي

رواسي الصبر باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
رواسي الصبر - باسم الكربلائي
تاريخ الاضافة
2016-04-23
المشاهدة
1564
المدة
00:08:42
عدد التحميلات
437

نص هذا المقطع

قصيدة : يا رواسي الصبر
الشاعر : ناظم الحاشي
الرادود : الحاج ملا باسم الكربلائی


يا رواسي الصبر من صبر فاطمه
عن ربيع العمر ماتت ميتمة
******
يا صبر أيوب يخجل من صبرها
رجع عمره و ما رجع فاطم عمرها
بظهر أبوها و چان حيدر منتظرها
ليلة القدر اليشكون بقدرها
سر ليالي القدر بالأرض و السماء
عن ربيع العمر ماتت ميتمة
******
يدري خلف الباب و الناصب دفعها
آه صاحت فاطمه و ربك سمعها
رادت تطيح السماء و حيدر رفعها
نزل جبرائيل يتوضا بدمعها
و بضلعها الكسر تشكي متألمة
عن ربيع العمر ماتت ميتمة
******
بباب فاطم للغدر باعوا بطولة
أمس يم خيبر نسوا معنى الرجولة
نسوا فاطم سر كتاب الله و نزوله
لو رسولة المرأة چا صارت رسولة
الثاني يوم الحشر بيدها تحاكمه
عن ربيع العمر ماتت ميتمة
******
يوم غسلها علي و دنگ عليها
أثر نار الباب شاف بچف يديها
بچت عينه و ما گدر يمنع بچيها
مو ضلع واحد عرف مكسور بيها
ضلوعها بالصدر كلها متهشمة
عن ربيع العمر ماتت ميتمة
******
كل حزن يعگوب ما يوصل حزنها
إبنه ما ميت مثل ما مات إبنها
حاربوها و ما غفت ليلة بوسنها
بعد أبوها و لبسوا فاطم چفنها
من زغر للگبر عالبعد عازمة
عن ربيع العمر ماتت ميتمة
******
عاين لزينب علي و نزلت دمعته
گلها وي فاطم طفت بيتچ شمعته
تگله ليش الموت عنها ما منعته
گلها والله بروحي لو يرهم دفعته
مو بيدي الأمر گلها حامي الحمى
عن ربيع العمر ماتت ميتمة
******
أمي غابت و الشمس عافت سماها
چنت أكحل عيني كل يوم بضواها
بوية صار البيت فارغ من وراها
و چان كل شي بجسمي يتنفس هواها
أمشي فوگ الجمر منها متعلمة
عن ربيع العمر ماتت ميتمة

المرسل: الخميس, 21 كانون2/يناير 2021