قصيدة : سيفك زعل
الشاعر : سيد سعيد الصافي الرميثي
الرادود : الحاج ملا باسم الكربلائی


من وصلوا المنزلي سيفك زعل ياعلي
لا مايصير وانت الامير
صبرك عجيبه~علي
******
سيفك انت عودته
يكره شوفة اگرابه
ویتنومس عله یمینك
كلماصارت اطلابه
شلون اتريده مايزعل
ودارك يندفع بابه
وراسه الكاهرة البضعه
بس ضل السمه حجابه
موقف الم موقفك
حبل الصبر چتف
تنگاداسیروانت الامیر صبرك عجيبه علي
******
من شفت على باب الدار
نار اموجره وتلهب
صارت كربلا گبالي
مابين الخيم زينب
هوه حالتي عليه
هذا الموقف الاصعب
حرگ الخبم نساني
لوعة ظلعي المصوب
واتخملت عصرتي
لن ردت عفتي
ظلعي كسير وانت الاميرصبرك عجيبه علي
******
عن صبرك اذا اسألك
هم تگدر تجاوبني
من ناديتك ادركني
والبسمار صوبني
هذا اللي طفه عيني
وذاكه بسوطه يضربني
بوجودك اگول اشلون
واحد یگدر ایسبني
اجبر كسر خاطري
نشف دمع ناظري
بيك استجير وانت الاميرصبرك عجيبه علي
******
ما كثر عليك اللوم
يالگلبك صعب صبره
گید عزمك الوصاك
يالماخالفت امره
گلك يا علي شتگول
وانت اتشاهد الزهره
من عدها الظلع مکسور
والعین اصبحت حمره
لو نادتك فاطمه
وينك يحامي الحمه
وضعي خطير وانت الامير صبرك عجيبه علي
******
يامن تنظرعيوني
دم هلت مدامعها
يالعندي وصيه وياك
اگعد یاعلي اسمعها
زينب حيرتي وهمي
عندك راح اودعها
غيروضع باب الدار
خوفي لا يروعها
تجرحها لوشافته
ومصابي لو ذكرته
طفله وتحير وانت الاميرصبرك عجيبه يا علي ‏
******
اریدك من يحل موتي
بثيابي تغسلني
ياعقدالوله وماريد
عني السبب تسألني
والگبري بظلام الليل
بيدك ياعلي احملني
اريدك تسرع بدفني
الگبري من توصلني
وباخر موادعي
ضيع اثر مضجعي
سر وعسير وانت الامير صبرك عجيبه علي
******
ادري شيعتي عليه
ماتبطل بواچیهم
لیب انهار ینتظرون
موعد یوم مهدیهم
عن گبري ينشدونه
وهوه اللي يدليهم
ممشه الگبري يتعنون
واسمع صوت ناعيهم
طول وعد غيبته
مهدينه يظهر مته
ما ظل نصير وانت الامير صبرك عجيبه علي

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x