Sun20210418


فاطمة كل عام

باسم الكربلائي

فاطمة كل عام باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
فاطمة كل عام - باسم الكربلائي
تاريخ الاضافة
2015-12-19
المشاهدة
3964
المدة
00:08:05
عدد التحميلات
582

نص هذا المقطع

قصيدة : فاطمه كل عام...تشكر الخدام
الشاعر : كرار حسين الكربلائي
الرادود : الحاج ملا باسم الکربلائي

 

فاطمه كل عام...تشكر الخدام
لا متنساكم...يالخدمتوا حسين
******
فاطمه بآخر محرمها و صفرها...اتجازي أصحاب المآتم و الحضرها
لليقدم تعزية اتقدم شكرها...شكراً من الزهرة يا ناس اشكبرها
ينكتب اسمه...ابدفتر الخدمه
ربنه يرعاكم...يالخدمتوا حسين
******
اتقول يومية جنت للمأتم أسعه...الناعي و الرادود من يقرالي أسمعه
لو بجيتوا بيدي أحسب دمعه دمعه...و الله كل دمعه ابقبركم تضوي شمعه
العبرة لوليدي...توقع بإيدي
حاضرة اوياكم...يالخدمتوا حسين
******
آني ما أنسه الخدم و الباري يشهد...و الصرف درهم ألف مني يتسدد
يا بشر أقسم و حق شيبة محمد...جان يجبر خاطري اللي يلبس أسود
كلشي دين بدين...حته دمع العين
قلبي يهواكم...يالخدمتوا حسين
******
اليلطم و يترك على صدره علامة...ابهالأثر يتميز بيوم القيامة
ينحشر للجنة بثياب الخدامة...يصير جاري و هذي للخادم كرامة
اللي يخدمنه...منزله يمنه
الجنة مأواكم...يالخدمتوا حسين
******
بالقيامة هناك مجلس عدنه يا ناس...انشوف عاشوراء واقع مو بالإحساس
من نشوف حسين بس منحر بلا راس...و آنا بالمحشر أشيل اجفوف عباس
ابساحة المحشر...نبجي عالمنحر
هناك ألقاكم...يالخدمتوا حسين
******
حسين لمن ينذكر لو جانوا اثنين...دوم أصيرن ثالثتهم و أهمل العين
يالتناشد عني وين و مرقدي وين...آنا قبري ابكل قلب ينحب عله حسين
ونتي مخفية...ابكل حسينية
جرحي واساكم...يالخدمتوا حسين

المرسل: الأربعاء, 14 نيسان/أبريل 2021