Thu20181018


هايمه الروح

باسم الكربلائي

هايمه الروح باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
هايمه الروح - باسم الكربلائي
تاريخ الاضافة
2015-12-15
المشاهدة
1915
المدة
00:08:08
عدد التحميلات
345

نص هذا المقطع

قصيدة : هايمه الروح بجمالك

الشاعر : صفاء الدفاعي الرميثي

ياحسين .. هايمة الروح بجمالك

ياحسين ..نشتري الموت بوصالك

ياحسين ..نفتخر صرنه على بابك

ياحسين ياحسين ياحسين ياحسين

??????

عطر يوسف كربلائك

گمنا نشتمها بردائك

نحيه ونموت بالقائك ..ياحسين

كعبة ابراهيم رمشك

يالي ساقي العرش عرشك

كل ملك سلمان نقشك.. ياحسين

كل وجود الكون طفرك

العرش اشعاعه شعرك

كل ضياء الدنيا نحرك.. ياحسين

ياجميل .. الجنه تتنفس اريجك

ياجميل ..تاهت الروح بخليجك

ياجميل.. مالكه الكون بمثالك

ياحسين ياحسين ياحسين ياحسين

??????

جابنه عطرك واجينه

وانته متفضل علينه

صحت بأول صوت بينا ..ياحبيب

ياحبيب انه حبيبك

تكشخ الجنه مشيبك

طاهر وطاهر حليبك ..ياحبيب

شيخ انصار بزمانك

علي ماخذ  كل كيانك

انته باب الله مكانك.. ياحبيب

عاليمين.. انت يم شباچي گبرگ

عاليمين ..حاجبي والدنيه بامرك

عاليمين .. والملائك من شمالك

ياحسين ياحسين ياحسين ياحسين

??????

وجهك اليسحر بصرنا

ياخذ بنوره عمرنا

يالصحت لمن حضرنا.. يازهير

واگف بوجهك يطالع

وانته فكيت الاصابع

گتله شوف الجنه تابع ..يازهير

عاف كل اهله وعمامه

طاح مأسور بغرامه

وانته ناديت بسلامه.. يازهير

للخلود ..گتله عوف الناس كلهه

للخلود.. اترك الدنيا واهلها

للخلود ..ابهر الكون بقتالك

ياحسين ياحسين ياحسين ياحسين

??????

حافظ القران گلبه

بيده سبحه وبيده تربه

من صحت هيجت حبه .. يابرير

جبهتك قران ثاني

انته ياسبع المثاني

گتله بالطف الاماني ..يابرير

رتل ايات انتمائي

واسجد بتربة ولائي

واشعر بلذة عطائي ..يابرير

بالكتاب ..اني مظهر للمعارف

بالكتاب ..راح تقراني مصاحف

بالكتاب ..چم وحي بيه قرالك

ياحسين ياحسين ياحسين ياحسين

??????

وهب نصراني وحضنته

جون اسود بس شبگته

والغلام التركي شلته ..ياعجيب

من يجن من حگه عابس

لو يشگ بيده الملابس

انته كل ربعك نفائس ..ياعجيب

مايتيه اليمشي دربك

مايموت الي يحبك

ياسلام الله على گلبك ..ياعجيب

والسماء .. انته تعتبرك سماها

والسماء ..اداينت من ضواها

والسماء ..عاشت بومضة خيالك

ياحسين ياحسين ياحسين ياحسين

??????

المرسل: السبت, 30 حزيران/يونيو 2018
 
باسم الكربلائي : هايمه الروح