انمركم زوار

قصيدة : انمركم زوار
الشاعر : وسام الشويلي

الرادود : الحاج ملا باسم الكربلائي 

حسينية السيدة زينب (ع) مطرح ـ عمان

چنا أحباب ابنفس الدار
واليوم انمركم زوار
ردينه ابدمع الأيتام
جبنه اويانه اجروح الشام
******
عله أطراف الجرح نمشي
اجينه بروح مشتاقه
تحن اقلوبنه اعليكم
مثلما حنّت الناقه
من يوم اهدعش لليوم
نحسب يمته نتلاقه
عجيبه اللي سكن بالروح
نقدر نحمل افراقه
فرقتكم من طعم الموت
جثه انسير ابلا تابوت
و اعيون اليفقد متنام
جبنا اويانه اجروح الشام
******
جنا أحباب مجتمعين
مثل الجسد ويه الروح
هسه اشلون نحملها
زياره انزوركم و انروح
اليزور ايجيب نذره اوياه
واحنه اويانه جبنه اجروح
أول حاجه جبناها
راس امن القفه مذبوح
آخر يوم النه ابعاشور
فارقنه وردينه انزور
حسرتنه ابطول الأيام
جبنه اويانه اجروح الشام
******
سوالف بالقلب كثره
صعب لو ردنه نحجيها
أبد ماتنتهي القصه
إذا بالدمعه نبديها
رقيه اشلون حالتها
لونك تسأل اعليها
تجر حسرتها بفراقك
مثل جرت تراجيها
كل لحظه اتناشد يحسين
وين الوالد سافر وين
منك شافت بس أحلام
جبنه ويانه جروح الشام
******
رقيه آثار دمعتها
على راسك يبو اليمه
عله اشفافك يوالدها
عطر والروح تشتمه
أذكر راسك اتحضنه
ابحذر واتقلي ياعمه
أظن حاضنته لو جرحه
جبير ودمعتي اتلجمه
طفله و ذابحها الإحساس
ماتت بالحسره اعله الراس
ماتحمل هاي الآلام
جبنا ويانه جروح الشام
******
يخويه اهوايه خجلانه
اجيت ابدمعتي أتعذر
راسك ماقدرت أحميه
من ايد الظلم والشر
أقل إلهم اضربوني
واتركوا اشفاف أبو الأكبر
يقلولي عله اعنادج
نحرك بالعصه المنحر
كل ضربه التوقع عالراس
أبجي و أصرخ يا عباس
أنظر ألقه ابعينه اسهام
جبنه اويانه جروح الشام
******
وي عباس شرد أحجي
و إذا ندهنه ما يقعد
ضعني اشلون من دونك
لديار المدينه ايرد
الينشد عن خدر زينب
أقله أرجوك لا تنشد
خدري وي قمر عدنان
يمه النهر متوسد
جانت ذيج الرايه احجاب
من طاحت شافونه أجناب