Sun20210516


ناذر سنيني

باسم الكربلائي

ناذر سنيني باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ناذر سنيني - باسم الكربلائي
تاريخ الاضافة
2015-11-26
المشاهدة
3244
المدة
00:08:56
عدد التحميلات
652

نص هذا المقطع

قصيدة : ناذر اسنيني...الخدمة حسيني...يدنيه

الشاعر : علي الخفاجي

الرادود : الحاج ملا باسم الکربلائي

 

ناذر اسنيني...الخدمة حسيني...يدنيه

ساعة احسابي...بيمنتي اكتابي...يدنيه

 ******

الله وصه بهالخدامة و احنه باقين...حتى لو يخلص عمرنه نخدم حسين

سيدي للموت صحنه اوياك ماشين...اشما تمر بينه الليالي تمضي السنين

حسين سلطاني...ملك خلاني...يدنيه

يصبح اجوابي...بيمنتي اكتابي...يدنيه

 ******

يالتلومونه عليمن تبجي العيون...ما كو مثل حسين عدكم لو تموتون

و الله بترابه المقّدس ما تمرون...مثل حر اجنود عنده و عابس و جون

صرخة ثورية...عالوهابية...يدنيه

ضد الإرهابي...بيمنتي اكتابي...يدنيه

  ******

احنه جننه هواك و تعرف الناس...و الله ما نخلف عهدنه القطع الأنفاس

رافضة و يبقه علمنه بإيد عباس...لا أمية و لا يزيد و لا نطخ راس

حبنه مو كافي...لمن انوافي...يدنيه

أمشي لحبابي...بيمنتي اكتابي...يدنيه

  ******

للأبد هذا لطمنه اليوم الحساب...رافضة و لعيون زينب نرخص ارقاب

رجعت آل أمية ابنفس الألقاب...صحنه صيحة حيدرية ابوجه الإرهاب

هذا موقفنه...لليخالفنه...يدنيه

علي محرابي...بيمنتي اكتابي...يدنيه

  ******

هذا صوت امن الضماير للزمن صاح...حسين ما عاف المدينة ايريد الإصلاح

ابكل عصر عنده نشامه اتضحي الأرواح...ما يهابون المنايه و دمهم اسلاح

شيعته اجنوده...تحرس احدوده...يدنيه

اوصل البابي...بيمنتي اكتابي...يدنيه

 ******

حسين علمّنه الكرامة بيوم عاشور...و الزمان اعله النواصب لا بد ايدور

احنه ويه حسين صحنه ابدم النحور...لو ألف حجاج يوقف نوصل انزور

ما يمنعونه...لو يذبحونه...يدنيه

حاسب احسابي...بيمنتي اكتابي...يدنيه

المرسل: الثلاثاء, 20 نيسان/أبريل 2021