Wed20220119


من يحرس الخدر

باسم الكربلائي

من يحرس الخدر باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
من يحرس الخدر - باسم الكربلائي
تاريخ الاضافة
2015-11-24
المشاهدة
2714
المدة
00:06:09
عدد التحميلات
699

نص هذا المقطع

قصيدة : هالليلة يحرسنه القمر عباس هالليلة
للشاعر : حسين الخالدي

الرادود : الحاج ملا باسم الكربلائی

 

هالليلة يحرسنه القمر عباس هالليلة

باجر إذا صار المسه من يحرس العيلة

هالكلمة تتكرر...من يحرس الخدر

 ******

يا ليل لا يطلع صبح فجرك يأذيني

كل خوفي من نار الخيم باجر تجّويني

زينب و اجيت امخدرة يا هو اليوديني

يحديني باجر جم شمر ترضاها يحديني

من الخيم تسعر...من يحرس الخدر

  ******

جم لوعة أحس و جم ألم بموادع الغالي

عباس أودعك من صدق من يحرس اعيالي

عباس أظل ابكربله مو انت كفّالي

يا خوية عقبك بالأسر من هوه يبرالي

كون انت تتعذر...من يحرس الخدر

  ******

نيران أحسن بالهوه بالجمر ظل يلهب

أصفن و أقولن يا علي ما تفزع الزينب

ليل ووداع اويه الأهل و اعيالي تتسلب

إلمن أنادي يا هلي من الشمر يقرب

لو طاح أبو الأكبر...من يحرس الخدر

  ******

يم الطفل جيبي الطفل من منحره انشمه

ضامي يذبحونه بسهم يتخضب ابدمه

نحر الطفل من ينقطع مدري اشيصبر أمه

حتماً قلبها ينصدع لمن تون يمه

هذا الجرح يكبر...من يحرس الخدر

  ******

يا رمله آنا أشعل شمع و انتي عله الحنه

جاسم يزفونه صدق لو يبتعد عنه

إبنج مثل نسمة هوه ما ينشبع منه

عنده وصية من الحسن و الموته يتمنه

بالزفة لو يحضر...من يحرس الخدر

  ******

يحسين باجر نفترق و الدمعة بعيوني

لا ما أظن يا بو علي بالطف تعوفوني

خدري أبد ما ينسلب ترضه يسلبوني

خدر الله آنا اعله الأرض لا ما يذلوني

لو قطعوا المنحر...من يحرس الخدر

 ******
يا خوية أطفال و حرم منهو اليحامينه

لا سامح الله لو رحت من يرحم اسكينه

ما بيه حيل اموادعك و العتب ياذينه

يحدينه معقولة الشمر ترضه يوالينه

لو انت تتأخر...من يحرس الخدر

المرسل: السبت, 15 أيار 2021