قصیدة : لاتسافر یاعلی
الشاعر : عـلـي الخفـاجـي
  الرادود : الحاج ملا باسم الكربلائی 


دخيلك لاتسافر ياعلي
******
آنه لو عفتک تسافر مِن یظل بخیامي
کربلا و دنیاي ضدي و حاربتني أیامي
یا علي ابگاع المصایب تنذبح أحلامي
و الحرب دارت رحال و انت چبدک ضامي
دخیلک یا أعز ناسي و هلي
دخیلک لا تسافر یا علي
******
انت کل اسنین عُمري تاج راسي العالي
أعز من روحي روحک یا حبیبي الغالي
من تموت اویاک یبني تندفن آمالي
والله لو رحت و عفتني الصخر یبچي لحالي
دخیلک من یباري محملي
دخیلک لا تسافر یا علي
******
لیلي بعدک ما أنامه و ماتغمض عیني
بالگلب هالیله أضمک یا علي خلیني
باچر ابیا عین أشوف لو لطمت اجبیني
من أدورک بالضحایه محد ایدلیني
دخیلک و آنه حرمه ابلا ولي
دخیلک لا تسافر یا علي
******
تدري بالطف و عذابه عندک انت اعلومه
أمک من العذب تبطي یا علي محرومه
باچر ابیا حال زینب من تفر للحومه
یلتف السوط ابمتنها بنت علي المظلومه
دخیلک صوت زینب یعتلي
لا تسافر یا علي
******
عمک العباس بالطف تنگطع چفینه
ماتظل بعیوني دمعه من أشوف اسکینه
اتصیح وینک یابوفاضل ماي جودک وینه
و الخیام الفارگتها احرگوها اعلینه
دخیلک یا حبیبي و کافي
دخیلک لا تسافر یا علي
******
عودک ابصف الشریعه من وگع عباسه
طاح یمه و حضن جسمه و شارکه بنفاسه
الیوم ظل ابلا معین ایحامي عن نوماسه
احسین ابوک اگبال زینب یبني گطعوا راسه
دخیلک لو صحت تحضر ذلي
دخیلک لا تسافر یا علي
******
کربلا و لیله العاشر خذت کل أحبابي
یبني عوف أرض المعاره لو سمعت اعتابي
عالرمح راسک أشوفه و ایدي فوگ احجابي
لیش بالغربه عفتني و ما حسبت احسابي
دخیلک هَمّي ماظن ینجلي
دخیلک لا تسافر یا علي

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x