Thu20190321


أبلغك سلامي

باسم الكربلائي

أبلغك سلامي باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
ابلغك سلامي - باسم الكربلائي
تاريخ الاضافة
2015-11-02
المشاهدة
2450
المدة
00:00:00
عدد التحميلات
323

نص هذا المقطع

قصيدة : ابلغك سلامي

للشاعر : علي السقاي

??????

أبلغَك   سلامي

وانه ابلا   مُحامي

گبل لا أمشي عنّك

يبو الغيره  أطمنك

وانه ابلا   مُحامي

??????

هِدَأ ليلي وبُگه صوتي الذي ينحب

سِكت حتى الهَجيج البالخيم يلهب

إجيتك ياگمر ليش ابدمه امخضّب

وأحس اتگلي رُحمي ابحالي يازينب

أواعِد   همومك

بعد ما   ألومك

إلي لا يِعلى ونّك

يبو الغيره  أطمنك

وانه ابلا   مُحامي

??????

إجيتك عالنهر عباس محنيّه

إجيتك حيث أدري ما إلك جيّه

الحَرِگ ماگول ماخلّه خيم ليّه

أظن شمّيت دخان الخيم بيّه

اِحرگوا كل  خيمنه

   وَلا رف    علمنه

بعد خل يغفه جفنك

يبو الغيره  أطمنك

وانه ابلا   مُحامي

??????

إذا عندك بعد نيّه وتِرِد اتگوم

يخويه اشناطر اكثر، ذبحوا المظلوم

أسولف عن رضيعه البالسهم مفطوم

لو كافي أجيب اگماط كلّه ادموم

بعد خل   أزيدك

ترضرَض   عضيدك

ابحوافر ماإجنّك

يبوالغيره أطمنك

وانه ابلا  محامي

??????

تطمّن يالگلت شيصير بغيابي

عگبك خويه آنه ابخير بمصابي

أروح اويه العده وماسَمعك اعتابي

وألبس رايتك لو سلبوا احجابي

أروحن   سبيّه

اْو لَتِفزَع  إليّه

مُصابي لا يِحزنك

يبو الغيره  أطمنك

وانه ابلا   مُحامي

??????

تطمّن عالخدر ياللي گلت بحماي

الخدر آنه التركته وما أريده اوياي

أريد اركُض واريد اَتعثّر ابممشاي

واَلِم ايتام تشرد من سياط اعداي

أباري  الضعينه

وأيّس   تجينه

تجينه ما أظنك

يبو الغيره  أطمنك

وانه ابلا   مُحامي

??????

تطمّن يالچنت تمسح دمع عيني

اشما أبچي تسكّتني وتواسيني

نام ابرغد  وآنه اِبوَنّي خليني

أكو اللي ابلطمه صار ايسكت اونيني

واناطر  چفوفك

لچن ما  أشوفك

أظن ماتدري چنّك

يبو الغيره  أطمنك

وانه ابلا   مُحامي

??????

تطمّن لاتگول ابظعني مَن يحدي

الشمر موجود وآنه امْن امشي مو وحدي

لاچن گبل  مارِد اِلوطن جدّي

وگفات ابدواوين الزلم عندي

الجبتها  أميره

عفتها   أسيره

عدوّك يحدي ظعنك

يبو الغيره  أطمنك

وانه ابلا   مُحامي

??????

الحچي قاسي لچن گلب الإخت معذور

أطيّب خاطرك بس خاطري مكسور

على اچفوفك يبوفاضل ألِف مشكور

وَانه گد الكفاله و أستحِق هالدور

تراني   العقيله

واصيرن  كفيله

تعلّمت آنه منك

يبو الغيره  أطمنك

وانه ابلا   مُحامي

??????

لا تطلب سماحي وبالفعل مسموح

آنه الآسِفَه يالعالنهر مطروح

أخاف ابحچيي ضفت اعله الجروح اجروح

يريت أگدر أرد اچفوفك اويه الروح

يخويه  اِبوداعك

أقَبِّل    ذراعك

واذا تسمَح أحِضنك

يبو الغيره  أطمنك

وانه ابلا   مُحامي

??????

المرسل: الخميس, 28 حزيران/يونيو 2018
 
باسم الكربلائي : أبلغك سلامي