Thu20210513


تعال

باسم الكربلائي

تعال باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
تعال - باسم الكربلائي
تاريخ الاضافة
2015-10-25
المشاهدة
2832
المدة
00:00:00
عدد التحميلات
565

نص هذا المقطع

قصيدة : تعال تعال ما ترمش اعيونه الفقد غالي

للشاعر : السيد عبدالخالق المحنّه

الرادود : الحاج ملا باسم الكربلائي

 

تعال تعال...ما ترمش اعيونه الفقد غالي

تعال تعال...مثل اليمد جفه و يرد خالي

******

جم تعال و جم دخيلك من عفتني...يالخذت كل شي برحيلك ما خذتني

ليش بجفوف النوايب سلّمتني...خايف اعليه أموت و موتتني

عتاب عتاب...آني البدايه و أصبحت تالي

تعال تعال...مثل اليمد جفه و يرد خالي

 ******

بويه أتعجب تخلص الليل وحدك...و انت متعود أجي و أغفه اعله زندك

ما أتعبك بالدرب بويه أوعدك...يعني تاخذني و لو خدامه عندك

عذاب عذاب...ما يحمل افراق و سهر حالي

تعال تعال...مثل اليمد جفه و يرد خالي

 ******

بويه داري إخلاف زينب شلي بيها...جنت مثل الطير أشرب من إيديها

اعليك ضلع أمك أريد اتمر عليها...مدري ليش ابصفنتي أسمع بجيها

دموع دموع...مثل الجمر من الجفن سالي

تعال تعال...مثل اليمد جفه و يرد خالي

 ******

مدري ليش اختي رقيه أحمر جفنها...اتصورتها خايفة و مجروحه إذنها

بالحلم جنها تعيش ابلا وطنها...ابلايه جفينه أبو فاضل دفنها

يموت يموت...إلمن يعيش اللي فقد والي

تعال تعال...مثل اليمد جفه و يرد خالي

 ******

بويه شو بالطيف جني بقاع هيمه...زينب اتصلي جلوس ابلايه خيمه

بويه و الميمون يصهل يا هضيمه...و اليتيمه اتلوذ بذيال اليتيمه

حسين حسين...مهرك ينادي و الدمع هالي

تعال تعال...مثل اليمد جفه و يرد خالي

 ******

بويه عبدالله يدوهني من أشوفه...وضعه يرعبني و أفز و بيه خوفه

يفتح اقماطه و شفت دم بجفوفه...و انت ضامي و الطفل ضامي تعوفه

وداع وداع...وضع الطفل شده بالي

تعال تعال...مثل اليمد جفه و يرد خالي

 ******

تالي ما تالي نعه ناعي الرزيه...قال الحسين انذبح بالغاضريه

تلعب الخيل اعله صدر إبن الزجيه...يا أهل يثرب تره زينب سبيه

يقول يقول...راس الحبيب اعله الرمح عالي

تعال تعال...مثل اليمد جفه و يرد خالي

المرسل: الثلاثاء, 27 نيسان/أبريل 2021