قصيدة : اشهدوله

للشاعر : سيدعبدالخالق المحنه

??????

إشهدوله إشهدوله .. أئمة ثلاثه يدعوله

عباية زينب الدين .. عباية زينب الدين

رفع رايه كِسر رايه .. رفع سبعه خِسف سَبعه

شمر سبعه اعله سبعين

يبو فاضل يعباس .. يبو فاضل يعباس

??????

كتاب الله نطق بإسم الجلاله .. اله حجاهه

خدر زينب نبي اورايد كفاله .. قراره إشارة

كفيله واحد اوماكو بداله .. يِعرفَه يوصفَه

أخويه ال يرعب الڰوم ابخياله .. گمُرنه ذُخرنه

ابو الكلفه ابو الكلفه .. يسد عين الشمس جفّه

يزينب لا تحشمين

غضب يلهب غضب يلهب .. أعرف اطباعه من يغضب

شِمر سبَعَه اعله سبعين

??????

أول من ولد زينب اجت ليه .. تضمّه تشمّه

تخلي المعصب اگباله اوتلوليه .. تِعلمه تحشمَه

كِسر كاروكه من گامت تناغيه .. تكفل تمرجل

تبوس ايده وابو الغيره تسميه .. كفيلي خليلي

اعله ريحتها اعله ريحتها .. تغطيه اب عبايتها

يبت حيدر تدرسين

عرف درسه عرف درسه .. تعالي وعايني هسه

شِمر سبعَه اعله سبعين

??????

اذا لِفضوا اسم زينب يزاعل .. يدنَدم يغيم

واذا ينفض اهدومه اتشم مراجل .. اهلها فحلها

بحر غيره و لا يرهمله ساحل .. يهدمَه يعدمَه

على ظهر المُهر واتشوفه راجل .. براعه ارتفاعه

تُخط رِجله تُخط رِجله .. عله مُهره او تًخط رِجله

هِواشم دوم عالين

كشف صدره نُفخ جمره .. تِبختر والهوا ابظهره

شِمر سبعَه اعله سبعين

??????

أموت وأعرف اشگالتله اخته .. تحّير تغّير

طِلع يتراعد او تجدح جَبهِته .. يكبّر يحذّر

أظن گالتله هذآ ال مٌآٍحسبته .. غريبه سَليبه

خِفت من جيشهُم لمن نِظرته .. فوارس أشاوس

طِفح زوده طفح زوده .. تلوّه الرمح ابزوده

عله بختج تخافين

هله ابجفَه هله ابجفَه .. اذا بتاره ما كفَه

شمر سبعه اعله سبعين

??????

نِفذ صبره اوعله السبعين نًوه .. يشلهم يذلهم

طلب رُخصه او اجه خَجلان هُوه .. رَغَبها طَلبها

يگول احسين ياراعي المروّه .. أخيّه حميّه

الك روح العزيزة فِدوه فدوه .. يوقرَه يقدرَه

أخد رُخصه أخد رُخصه .. جِبل ما يعثر ابنَصَه

انِخلق من غِيره مو طين

ولا مَهرب ولا مَهرب .. خيول اعله الزلم تِركَب

شمر سبعه اعله سبعين

??????

انا الجندي او حدود الله المُخيّم .. أحامي خيامي

لَخلي كربله طوفان مِن دَم .. أعاقب اراقب

ال يحاول يقترب يم حدنه يندم .. أجيله يويله

وحڪ زينب أراويكم جهنم .. مسِعرَه مشِجرَه

لَتدنالي لا تدنالي .. أنا افرك كل خشم عالي

هِجم ينثر براكين

إجه ابكيفه أخد حيفه .. يسلطن من يسل سيفه

شمر سبعه اعله سبعين

??????

هِجم شايل علي ابراسه اونحرها .. رَعبها گِلبها

لوأن مُهره الارض يكسر ظهرها .. اعله ثِگله اشيحمله

عروس المشرعه اوذاب ابسحرها .. گِصدها وَعدها

چتل سبعين الف رادت مهرها .. قِبلها لَجلها

طفح مَده طفح مَده .. بحر عالمشرعه اتبدّه

لِغَه كل العناوين

عذاب الله اجى من الله .. هِجم صعصع دخيل الله

شمر سبعه اعله سبعين

??????

گعد عزريل حَط ايده اعله خده .. تِكثَر تِشَكر

وبو فاضل يقود الموت وحده .. قياده إراده

عذاب من الله نازل من يردَه .. اِجاهم رِماهم

نِزل واجدامهم ما بيها شَردَه .. يشلهُم يذلهم

عصى موسى عصى موسى .. رِماهه او ايده مَحروسَه

خَدت كل الثعابين

عله شارد وگع شارد .. حِسبهُم كل الف واحد

شمر سبعه اعله سبعين

??????

زِغر حجم النهر من خَيّم اعليه .. يرهبه يرعبه

يريد ايحمله والزينب يوديه .. يحمله يوصله

مله جوده اويرد يرجع يبدّيه .. يبدّي تَحدّي

لَوّن ايريد يشرَب من يحاجيه .. صِكَرهُم قَهرهم

المجرب المعتَب .. قبل زينب فلا يشرب

كَلَب كل الموازين

ابطرف عينه ابطرف عينه .. يدور عالشمر وينه

شمر سبعه اعله سبعين

??????

 

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x