Fri20211022


وين العزاز

باسم الكربلائي

وين العزاز باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
وين العزاز - باسم الكربلائي
تاريخ الاضافة
2015-05-11
المشاهدة
3642
المدة
00:13:24
عدد التحميلات
626

نص هذا المقطع

قصیدة : زينب وين العزاز

الشاعر : إيهاب المالكي

 الرادود : الحاج ملا باسم الكربلائی

 

زينب وين العزاز...منهم ردتي جنّاز...يزينب يزينب

و بموتج وحيدة...عن أهلج بعيدة...يزينب يزينب

 ******

يزينب ساعة التوديع مو سهله...قبل لا يمشي المفارق يشوف أهله

اشما طالت السفرة اوداعهم يحله...وادعتي من انتي و اخوتج قتله

حيرة بفقد الأحباب...يا هو ايهيل التراب...يزينب يزينب

و بموتج وحيدة...عن أهلج بعيدة...يزينب يزينب

  ******

ضمت لج الشام من الحرب ذكره...أثر راس الإمام الشالته الشجره

بجيتي ابدمعة مثلج طاهرة و حره...ما ندري اشبجيتي دمعة لو شذره

رجعت بيج الأيام...و اتذكرت الأيتام...يزينب يزينب

و بموتج وحيدة...عن أهلج بعيدة...يزينب يزينب

  ******

تاريخج يزينب بالألم حافل...ما ينحسب همج لو سأل سائل

ملك الموت يمج من نزل قائل...يا زينب تعالي يم أبو فاضل

أخوج امتاني ملهوف...بعده بغير الجفوف...يزينب يزينب

و بموتج وحيدة...عن أهلج بعيدة...يزينب يزينب

  ******

روحج من زمان هناك عفتيها...بالطف يم اخوتج ما أخذتيها

قلتي الشام أقبل أندفن بيها...بس اجروح قلبج ما دفنتيها

لا ما قلتي مسموح...أدفن هاي الجروح...يزينب يزينب

و بموتج وحيدة...عن أهلج بعيدة...يزينب يزينب

  ******

تشييعج خيالي من كتب عنه...سمّيته يزينب موكب الونه

أصوات النياح التنبعث منه...بيه تنحب الدنيه و تلطم الجنه

بيه كل حزن الأكوان...سارة و بنت عمران...يزينب يزينب

و بموتج وحيدة...عن أهلج بعيدة...يزينب يزينب

  ******

رقية من قبرها صاحتج عمه...من ترحين قلبي يغرق بهمه

فرحة الطفل بالعايلة اللمه...يستاحش إذا محد يظل يمه

قلبي عمه مكسور...وحدي بين القبور...يزينب يزينب

و بموتج وحيدة...عن أهلج بعيدة...يزينب يزينب

  ******

يا زينب بصبرج ربج العالم...ياخذ حقج من الكافر الظالم

يا زينب عليج ابحنة القاسم...اقبليني يزينب ابقه لج خادم

اسمج عايش اوياي...عاشق خدمتج هاي...يزينب يزينب

و بموتج وحيدة...عن أهلج بعيدة...يزينب يزينب

المرسل: الإثنين, 15 آذار/مارس 2021