Fri20210514


تسبيحة عشاق

باسم الكربلائي

تسبيحة عشاق باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
تسبيحة عشاق - باسم الكربلائي
تاريخ الاضافة
2014-12-18
المشاهدة
3754
المدة
00:12:02
عدد التحميلات
625

نص هذا المقطع
قصیدة : نظرة    عينك   تسبيحة   عشّاق
الشاعر : السيد عبد الخالق المحنّه

 الرادود : الحاج ملا باسم الكربلائی

 

نظرة    عينك   تسبيحة   عشّاق...تقرب   تبعد   لعيونك   أشتاق
******
ليل  و  كمرة  بعيونك  و  اغياب...و  آني ابدونك أبقه ابلا أحباب
يوم  التبعد  أحسب  ألف  احساب...لمن  ترجع  تلقاني  اعله الباب
بيني   و   بينك   ما   مقبول  افراق...تقرب  تبعد  لعيونك  أشتاق
******
ها   يالغالي   سبحانه   الخلاك...تبعد   عني   تاخذ   روحي  اوياك
لو   تنسه   أمك   أمك  ما  تنساك...جاسم  يبني  تذبحني  ابفرقاك
يمه   اغيابك   حنظل   ما   ينضاق...تقرب   تبعد  لعيونك  أشتاق
******
من   ما   أشوفك  أفتر  عالبيبان...قلبي  ايرفرف  من  أنظر  شبان
ليلة   زفتك  حلمي  الآخر  جان...شمعة  عرسك  تضوي  للأكوان
عيني   و  عينك  نظرات  و  أشواق...تقرب  تبعد  لعيونك  أشتاق
******
يمه    اهدومك    وين    انوديهن...ليلي    انهاري    اتباوع    بيهن
عطرك   لسه   موجود   اعليهن...من   أشتمهن   شوقي   ايناغيهن
نمت   اوياهن   يخلص  ليلي  اشباق...تقرب  تبعد  لعيونك  أشتاق
******
جنت أحسب لك تكبر و أفرح بيك...ليلة حنتك و اجفوفي اتحّنيك
أشعر  كل  شي ظل يحسدني اعليك...أدعوا الباري يا جاسم يحميك
حالي  اخلافك  صيحه  و  شق  ازياق...تقرب تبعد لعيونك أشتاق
******
بين   أصحابك   شفتك  أحلاهم...هسه  اتباوع  ما  تمشي  اوياهم
و    بلا    وعيي    أتبع    ممشاهم...مرات    أوقع    لمن   ألقاهم
رايح  يبني  و  آنا  اجروحي  اغماق...تقرب  تبعد  لعيونك  أشتاق
******
ما  شفت  العيد  من  ساعة هجرك...ناس اتعيد و آنا أمشي القبرك
بيدي    الشمعه    تقعد   انتظرك...عمر   الورده   ذبحوك   بعطرك
يمضيعني   سطرة   دهري   إلحاق...تقرب   تبعد   لعيونك   أشتاق
******
يا  ما  و  يا ما أسهر لك و اتنام...و انظر وجهك و أغرق بالأحلام
لمسة   ايدك  تشفي  لي  الآلام...ليش  امن  ايدي  رايح  يا  جسام
عاصف   هجرك  يمه  اينشف  ارياق...تقرب  تبعد  لعيونك  أشتاق

المرسل: الأحد, 14 آذار/مارس 2021