قصیدة : يا زينب
للشاعر : کرار حسین الکربلائي
الرادود : الحاج ملا باسم الكربلائی
یا زینب ... یا زینب
اشجابچ لصوب النهر حاچیني
خوفي لتموتین یم چفیني
******
یا زینب ... یا زینب
من المخیم لیش وحدچ طالعه
من یردچ و الچفوف امقطعه
اشعندچ ابهل لیل یم المشرعه
اعتاب الچ لو قصدچ اتشوفیني
******
یابوفاضل ... یابوفاضل
اتقلّه جیت لشوفتک یا کافلي
ارد اخبرک خبر یا غیره علي
الخیمه من حرقوها حرقوا محملي
و ذکریات الهودج اتبچیني
******
یا زینب ... یا زینب
مستحي و غطیت وجهي بالعلم
من عباتچ أشم دخان الخیم
بعیني خلّي لاتطلعینه السهم
حتی وحدچ ماتسوفچ عیني
******
یابوفاضل ... یابوفاضل
فدوه لعیونک تروح عیوني
خوفي تزعل لو قلت ضربوني
ارد اراویلک سواد امتوني
و باچر اعداکم نوت تسبیني
******
یا زینب ... یا زینب
آه یا زینب ششوف بعیني آه
من السیاط امزّقه حتی العباه
یا خبر سبیچ تره ظهري حناه
کافي زینب بعد لاتخبریني
******
یابوفاضل ... یابوفاضل
یالچنت ماتقبل ایمسني الهوه
انت چفک و العلم طاحن سوه
و آنه چفي ابنار الخیام انچوه
بالمدامع خُمدَت اصواویني
******
یا زینب ... یا زینب
أرد أسألچ و أنتظر منچ جواب
یعني هسه اسکینه نامت عالتراب
احچیلي بعدي من حرس رمله و رباب
منهو ظل یم الحرم حاچیني
******
یابوفاضل ... یابوفاضل
اتقلّه شحچیلک أحس صوتي انخرس
خویه شفت املثم و صاعد فرس
ایقلّي عقب الکافلچ آنه الحرس
اهنا یابوفاضل لطمت اجبیني
play_arrow
play_arrow
play_arrow
play_arrow
play_arrow
play_arrow
تعليقات