قصیدة : والله افنيها
الشاعر : ناظم الحاشي
الرادود : الحاج ملا باسم الكربلائی
المناسبة : ليلة 7 محرم 1436 هـ
في حسينية المرحوم الحاج داود العاشور
و الله و الله...ابخيم زينب ما يمرون
و الله و الله...أفنيها كلها و أقلب الكون
******
أنزل غضب بيها...و اجيوش أفنيها
بجفوفي حته القاع...من أزعل أطويها
ما خلي رقبه ابراس...و بسيفي أصّفيها
و آني و آني...إبن الفحل انتم تشهدون
******
لو مر عليه الموت...ياخذ أمر مني
و بكيفه مثل الناس...مو سهله يوصلني
سيف آنا و انشد روح...روس الزلم عني
بيدي بيدي ...و الكلافه التصعب اتهون
******
قمة علي و عباس...شالتهن اسفوحي
و بوجه سيف اعداي...ما ضحكت اجروحي
من روحي روحي اتخاف...لو زعلّت روحي
ويله ويله...القال بيه خل يغدرون
******
زينب و أنا العباس...و بدمي كافلها
رايه و عقدها حسين...من يقدر ايفلها
هاي اختي و اخت حسين...ما واحد ايذلها
دمعه دمعه...بعين زينب ما تشوفون
******
آنا الخنقت الخوف...لمن صرخ كافي
آنا القلت للماي...لا توصل اشفافي
و آنا الوفيت بيوم...محد رضه ايوافي
ثاري ثاري...و لو عفت هالثار مجنون
******
يا عمي يا عباس...من نادت اسكينه
من غيرك انت الماي...بجفوفه يروينه
نهر الفرات بسيف...جريته من عينه
يا هو يا هو...الغير سيفي يكسر اعيون
******
سبعين ألف بالسيف...من غيري بجّاهم
صورة علي و عباس...بالموت راواهم
من مثلي مدلولين...بالدنيه خلاهم
ذوله ذوله...ابغير سيفي ما يموتون
play_arrow
play_arrow
play_arrow
play_arrow
play_arrow
play_arrow
تعليقات