قصدت الشريعة
باسم الكربلائي
قصیدة : قصدت الشريعة
الشاعر : سيد عبدالخالق المحنة
الرادود : الحاج ملا باسم الكربلائی
المناسبة : ليلة 7 محرم 1436 هـ
في حسينية المرحوم الحاج داود العاشور
قصدت اعله الشريعه ابليل...يا ليل الظلام اغشي
كل خوفي تحس إعداي...و أحادر لو رمش رمشي
مره أنهض و مره أوقع...و مره أركض و مره أمشي
و أتلفت خاف ايشوفوني...لو يم عباس ايضربوني
******
شفتك و انغمه اعليه...و من فزيت شابكتك
جبت ازنودك و قلت لك...اشبقني يبعد اختك
بجيت اعليك كل دمعي...لحد ما غرقت جثتك
وياك أتمدد خليني...بلكت مثلك تغمض عيني
******
أشوف القوم جت يمي...و أتلفت يمين ايسار
كلها اتدور اعليه...و كلمن عنده غايه و ثار
انت اعله النهر نايم...و آنا ابين خيل و نار
فرحوا من شافوني ابحيره...و اعله الشط مذبوحه الغيره
******
يزينب وين أخوج القال...آنا أتكفل ابخدرج
لخلي السوط يوجر بيج...لحد ما ينزل ابظهرج
وقعتي ابين ايديه اليوم...و لا كّفالج ايحضرج
مذبوح و عالشط رامينه...جثه ابلا راس امخلينه
******
يطقني ابقوته بالسوط...و يقلي ليش ما صحتي
و أكابر عالألم قوه...و أحط ايدي اعله خاصرتي
رقيه اتقله يا ملعون...بسك لا تطق عمتي
متقلي اشرايد من عدنه...نسوان و حارس ما عدنه
المرسل:
الأحد, 31 كانون2/يناير 2021
