Tue20201020


لا فتى الا علي

باسم الكربلائي

لا فتى الا علي باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
لا فتي الا علي - باسم الكربلائي
تاريخ الاضافة
2014-12-03
المشاهدة
4945
المدة
00:09:15
عدد التحميلات
467

نص هذا المقطع

قصيدة : لا فتى لا فتى لا فتى إلا علي

الشاعر : فراس الأسدي الكربلائي

الرادود : الحاج ملا باسم الكربلائی

لا   فتى   لا  فتى  لا  فتى  إلا  علي
******
بينه    يبن   المرتضه   اهموم   الثجيله
غير  شخصك  قلي  يا  هو نشتكيله
يظل  بينه  الصوت  و  انواسي العقيله
احنه   غير  حسين  ما  عندنه  وسيله
ابكل زمن ما ينجلي...لا فتى إلا علي
******
عالعهد   باقين   وي  صوت  النوارس
بخدمتك  يحسين  أبد  لا  ما  نسايس
ابكل   محرم   سيدي   نحيي  المجالس
حبنه   كل   يوم  اليمر  يجتاز  عابس
بالعشق   الأولي...لا   فتى  إلا  علي
******
لون   دمع  الحجه  هل  لمصيبتك  دم
احنه  نبجي  اعيون  الك لو هل محرم
و   الما   يفهم   قضيتك  خله  يفهم
ننصب  ابكل  عام  إلك  بالقلب مأتم
سيدي  انت  الولي...لا  فتى إلا علي
******
انت  يا  صوت  العله  ابكل المساجد
إلك    رددنه    يبو   اليمه   القصايد
احنه   للخدمه  هتفنه  بصوت  واحد
غير   أبو   اليمه   أبد   ميصير   قائد
ابخدمتك   نعتلي...لا  فتى  إلا  علي
******
ما   تحاربنه   العده   بصوت  المخاطر
أبد    ما    نترك   يبو   اليمه   المنابر
تهتف  ابكل  عام  الك  هاي الحناجر
قلي    يالميمون    وي   جابر   يجابر
نفتدي  آنا  و هلي...لا فتى إلا علي
******
سيدي    اتعاهدنه    نبقه    عالخدامه
ما     يغيرنه    أبد    حجي    الملامه
ابكل   سنه  نطبر  يبو  الأكبر  الهامه
انصيح   يا   حيدر   يعّديها  ابسلامه
خل  يلوم  عاذلي...لا  فتى  إلا  علي
******
يبقه  صوت  الحر  يرد  بينه  و يهاجر
يعتلي   بجون  و  حبيب  ابنَ  مظاهر
احنه  من  هذا  الدرب  تعله الضماير
دمنه  لجلك  يرخص  و  تبقه  الشعاير
يستمع   سائلي...لا   فتى  إلا  علي
******
يبقه   موقف  بينه  كل  لحظه  نشوفه
موقف   العباس   من   ضحه  بجفوفه
احنه   نبقه   ابمنبرك   لا   ما   نعوفه
ما   يغيرنه   الإرهاب   و   لا  سيوفه
للأبد  انت  العلي...لا  فتى  إلا علي

المرسل: الخميس, 01 تشرين1/أكتوير 2020