أنصارك وياك

قصیدة : أنصارك وياك
الشاعر : وسام الشویلي

الرادود : الحاج ملا باسم الكربلائي
المناسبة : محرم عام ۱٤۳٦ هـ

قبل الهواشم ياحسين نبتدي بهاي الحمله
انصارك اوياك انصيح هيهات منا الذله
******
ﺃﺳﻤﻊ ﺣﺒﻴﺐ ﺑﺈﺳﻢ ﺍﻷ‌ﻧﺼﺎﺭ ﻳﺼﻴﺢ
ﻭﻳﺨﺎﻃﺐ ﺣﺴﻴﻦ ﻭﺩﻣﻊ ﻋﻴﻨﻪ ﻳﺴﻴﺢ
ﻗﺒﻞ ﺍﻟﻬﻮﺍﺷﻢ ﺑﺎﻟﺤﺮﺏ ﻛﻠﻨﻪ ﺍﻧﻄﻴﺢ
ﻳﺤﺴﻴﻦ ﺇﻟﻜﻢ ﻣﺮﺧﻮﺹ ﺩﻡ ﺍﻟﻨﺤﺮ ﻣﺎﻳﻐﻠﻪ
******
ﻳﺤﺴﻴﻦ ﺃﻧﺼﺎﺭﻙ ﻭﻋﺎﻟﺼﻌﺒﻪ ﺍﻧﻔﻮﺕ
ﻫﻴﻬﺎﺕ ﻟﻠﺬﻟﻪ ﺍﺭﺗﻔﻊ ﻋﺎﻟﻲ ﺍﻟﺼﻮﺕ
ﻻ‌ ﻣﺎﻧﻌﻮﻓﻚ ﻟﻮ ﺃﻟﻒ ﻣﺮﻩ ﺍﻧﻤﻮﺕ
ﻭﺣﺪﻙ ﺗﻈﻞ ﺧِﻠﻪ ﺍﺗﺼﻴﺮ ﻭﺍﺣﻨﻪ ﺍﻟﻨﺴﺪ ﺍﻟﺨِﻠﻪ
******
ﺳﻴﻒ ﺁﻝ ﺍﻣﻴﻪ ﺍﻋﻠﻴﻚ ﺑﺎﻟﻄﻒ ﻣﺴﻠﻮﻝ
ﺩﻭﻧﻚ ﻋﻤﺮﻧﻪ ﺍﻟﻌﻤﺮ ﺷﻴﺮﻳﺪ ﺍﻳﻄﻮﻝ
ﺑﺎﻟﺤﺸﺮ ﻟﻮ ﺳﺎﺋﻠﻨﻪ ﺟﺪﻙ ﺷﻨﻘﻮﻝ
ﺧﻔﻨﻪ وﺗﺠﻨﺒﻨﻪ ﺍﻟﻤﻮﺕ ﻟﻮ ﻣﺎﻭﻓﻴﻨﻪ ﺍﻧﻘﻠﻪ
******
ﻻ‌ وﺍﻟﻠﻪ ﻟﻮ ﻧﺼﺒﺢ ﻭﺫﺭ ﻓﻮﻕ ﺍﻟﻘﺎﻉ
ﻣﺎ ﻧﺠﻔﻲ ﻋﻨﻚ ﻭ ﺍﻟﻌﻬﺪ ﻣﺎ ﻳﻨﺒﺎﻉ
ﺃﺭﺧﺼﻨﻪ ﻭانت ﺍﺗﺸﻮﻑ ﺑﺎﻟﺤﻮﻣﻪ ﺍﺳﺒﺎﻉ
ﻧﻘﻠﺐ ﺍﻟﺠﻴﺶ ﺍﻋﻠﻪ ﺍﻟﺠﻴﺶ ﻭﺍﻟﺒﻴﻪ ﻣﻴﻠﻪ ﺍﻧﻌﺪﻟﻪ
******
ﻣﺎﺩﺍﻡ نشتم ﺍﻟﻬﻮﻩ ﻭﺑﻴﻨﻪ ﺍﻟﺮﻭﺡ
ﻫﻬﻴﺎﺕ ﻣﻨﻚ ﺷﻌﺮﻩ ﻫﺎﻟﺠﻴﺶ ﺍﻳﻠﻮﺡ
ﻭﺍﺣﺪ ﺑﻌﺪ ﻭﺍﺣﺪ ﻋﻠﻪ ﺍﻟﻤﻮﺕ ﺍﻧﺮﻭﺡ
ﻣﻦ ﻗﺒﻞ ﺩﻣﻚ ﻳﺤﺴﻴﻦ ﺩﻡ ﺍﻟﻮﺭﻳﺪ ﺍﻧﺒﺬﻟﻪ
******
ﺑﻴﻨﻪ ﺍﻟﻔﺮﺡ ﻣﻮﺟﻮﺩ ﻣﺎﺑﻴﻨﻪ ﺍﻟﺨﻮﻑ
ﻧﻔﻨﻲ ﻟﻚ ﺍﻟﻔﺮﺳﺎﻥ ﻭ ﺑﻌﻴﻨﻚ ﺷﻮﻑ
ﻓﺮﺻﺘﻨﻪ ﻫﺎﻱ ﻭ ﻣﺎﻧﺨﻠﻴﻬﺎ ﺍﺗﻄﻮﻑ
ﻻ‌ﺯﻡ ﻫﺪﻓﻨﻪ ﺍﻟﻤﺮﺳﻮﻡ ﻧﻘﺼﺪ ﺍﻟﻪ ﻭﻧﻮﺻﻞ ﻟﻪ
******
ﻫﺎﻟﻴﻮﻡ ﻳﺘﻤﻴﺰ ﻃﺮﻳﻖ الرحمن
ﻋﻦ ﻣﻨﻬﺞ ﺍﻟﺒﺎﻃﻞ وﺩﺭﺏ ﺍﻟﺸﻴﻄﺎﻥ
ﻫﻢ ﻳﻤﺜﻠﻮﻥ ﺍﻟﻈﻠﻢ ﻭ ﺍﻟﻄﻐﻴﺎﻥ
ﻭﺍﻧﺖ ﻳﻌﺪﻝ ﺍﻟﻘﺮﺁﻥ ﻧﻬﺞ ﺍﻟﻌﺪﺍﻟﻪ ﺍتمثله