Tue20211130


تحت الترب

باسم الكربلائي

تحت الترب باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
تحت الترب - باسم الكربلائي
تاريخ الاضافة
2014-11-22
المشاهدة
2045
المدة
00:20:16
عدد التحميلات
548

نص هذا المقطع

قصیدة : تحت الترب
الشاعر: السيد عبدالخالق المحنة

الرادود : الحاج ملا باسم الكربلائی  

المناسبة : ليلة 13 محرم 1436 هـ
في حسينية المرحوم الحاج داود العاشور

 

أهلي تحت الترب...بس بقوا بالقلب
يمته تموت امن القهر...روحي

******

مثل نار الغضه نيران فرقاهم
لون بيدي يصح جان أمشي وياهم
أدور عالأحبهم وين ألقاهم
إذا أنسه الهوه هيهات أنساهم
ما أكابر بعد...و الحبيب ابتعد
ليلي خلص نوح و سهر...روحي

******

اشكبر صبري حفرت إلحود أحبابي
عسن همه الأجوني و هالوا إترابي
إذا ألطم و أفرفح عندي أسبابي
أبد دفن الطفل ما جان بحسابي
و الينام ابلحد...يا زمن ما يرد
طير و تحوم اعله الأثر...روحي

******

الصبر لهنا يدهري و بعد ما ينفع
مثل أجسادهم جن قلبي يتقطع
اسمعت من النحور أصواتهم تتطلع
كل من عنده قصه و آنا أجي و أسمع
للقصص أستمع...بالألم و الدمع
يكبر جرحها ابيا خبر...روحي

******

ابن ظاهر سمعت الصوت من نحره
هاي أنصاركم للدفن منتظره
آنا الهوست يم زينب الكبره
تروح أرواحنه فدوه لبو العتره
انت تحفر إلي...هالقبر يا علي
هاي الكرامه و الفخر...روحي

******

بعد صوت السمعته و ارتعد جسمي
أنا جسام أنا اقرب يبن عمي
تعال انظر اجفوفي اتحنت ابدمي
أشد من طبرة الهامه ونين أمي
قلها كافي تون...ما شبعتي حزن
وياها راحت بالسفر...روحي

******

اسمعت صوت الهضمني و الكسر ظهري
علي يحزام ظهري و يا بعد عمري
يقلي نام يمي و صدرك الصدري
و خضب منحرك يا خويه من نحري
أيسّت يا زمن...و الحبيب اندفن
فقد الأخو يكسر ظهر...روحي

******

سمعت الصوت يبني يالعليل احضر
تعال و شوف حالي و جسمي الموذر
كل قطعه ابكتر فوق الثره اتطشر
عله كيفك يبويه اضلوعي تتكسر
بويه لا تنصدم...من تشوف الجسم
ظلت تحوم اعله النحر...روحي

******

علي يبني اليضمه القبر شيرده
أبوك امن العطش و الله انجسم جبده
عله صدري يبويه هالطفل وسده
أضمه ابين ايديه و الصدر لحده
و الله قلبي انجرح...طفلي بيدي انذبح
ونها يفت حته الصخر...روحي

******

صوت امن الشريعه جرح وجداني
أخو زينب أنا و حامي الضعن آني
يعمي روح دور وين ذرعاني
و اشلع سهم عيني اهوايه أذاني
من قبل جيتك...زينب اشوصتك
كتبت عذرها اعله النهر...روحي

المرسل: الإثنين, 01 شباط/فبراير 2021