Sat20211016


موطن الجراحات

باسم الكربلائي

موطن الجراحات باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
موطن الجراحات - باسم الكربلائي
تاريخ الاضافة
2014-11-22
المشاهدة
3669
المدة
00:21:40
عدد التحميلات
577

نص هذا المقطع

قصيدة : راحوا  الأحبهم

الشاعر : الأديب الحاج جابر الكاظمي

الرادود : الحاج ملا باسم الکربلائي

 

راحوا        الأحبهم...و        القدر        حجبهم
موطن           الجراحات...أصبحت          عقبهم
صحت  بألم...و  بلا  قلم...دمعي  رسم ...صورهم
لمن     يمر...ليل     الهجر...يسعر...ذكر...جمرهم
و                     القدر                    حجبهم
******
جم    غالي    أحسب   يا   دهر   راح   امن   ايديه
بأول       شبابي      و      أنتظر      يوم      المنيه
ما     مر     عله    إبن    آدم    أبد    المر    عليه
كل         المصايب         تنجمع         بالغاضريه
قصتي         عجيبه...و         القلب        تصيبه
من         أشاهد         الماي...أذكر        المصيبه
من  ينذبح...نحري  الصبح...ينزف  جرح...هجرهم
صحت  بألم...و  بلا  قلم...دمعي  رسم ...صورهم
و                     القدر                    حجبهم
******
سجّل       يتاريخ       الألم       قصة      جراحي
آنا     العليل     و     علتي     كسرت     جناحي
آنا    السجين    ابلا    سجن    ليلي   و   صباحي
أبقه     أنتظر     يوم     الأجل     يطلق    سراحي
لا       تقلي       انسه...جن      أشوفه      هسه
شفت      أبويه     مطروح...و     الشمر     يرفسه
صوت   الحرم...عوفوا   الخيم...لمن  هجم...شمرهم
صحت  بألم...و  بلا  قلم...دمعي  رسم... صورهم
و                     القدر                    حجبهم
******
ما     يقدر     ايحمله     الجبل     صبري    الصبرته
راس      الأبو     فوق     الرمح     بعيوني     شفته
أكبر     مصيبه     اعله    الإخو    تتسلب    إخته
نادت      امنعه      يا      علي      بسما     منعته
أنظر         الوضعها...و        الشمر        صفعها
عميه     عيني     يا     ريت...لا    شفت    دمعها
كل    علتي...و   امصيبتي   ...يم   عمتي...نظرهم
صحت  بألم...و  بلا  قلم...دمعي  رسم ...صورهم
و                     القدر                    حجبهم
******
شفت     الفواطم     و    الحرم    حرقوا    خيمهن
واحد     سلب     واحد    نهب    واحد    شتمهن
وينك     يبو     فاضل     صحت     اتعنه     يمهن
يا    عمي    بالسوط    الشمر    و   الله   هضمهن
جم      طفل     أنظره...سحقوا     اعله     صدره
و       اللي       بالبراري...من      يجي      يدوره
مسرع رحت...و أمشي و طحت...و اتّبعت...أثرهم
صحت  بألم...و  بلا  قلم...دمعي  رسم ...صورهم
و                     القدر                    حجبهم
******
عبدالله     شفته     امن    العطش    يتلوه    جيده
جنه       يقلي      يا      علي      الماي      أريده
قلت      له      يخويه     المشرعه     عني     بعيده
تاليها       نبلة       حرمله       قطعت       وريده
كل         طفل         نظرته...عاينت         رقبته
آنا       أخويه      مذبوح...ابلا      دفن      تركته
لو  مر  طفل...دمعي  يهل...و أذكر فعل... غدرهم
صحت  بألم...و  بلا  قلم...دمعي  رسم ...صورهم
و                     القدر                    حجبهم
******
أصعب       جرح      اليسر      يصعب      علينه
من     واحد     الواحد    صفت    مجتوفه    إيدينه
و    اللي    قطع    نحر    الأهل    يحدي   الضعينه
آه     و     ألف     آه     الزمن     اشسوه    بينه
من      دخلنه      للشام...هذي      أم      الالام
اتغسلت         رقيه...من        دموع        الأيتام
عبره  و  عبر...خلي  الدهر...يذكر  خبر  ...أسرهم
صحت   بألم...و  بلا  قلم...دمعي  رسم...صورهم
و                     القدر                    حجبهم
******
يا      بويه      يالباقر      إذا      نعشي      حملته
إذكر     أبويه    ابكربله    و    أهل    و    صحبته
عالغبره      ظل     ابلا     غسل     عاري     تركته
لمن     قطع    نحره    الشمر    هم    ما    حضرته
هالجمع      حسبته...و      العشيره      و      انته
بس     أبويه     يا     ناس...من     حضر    دفنته
راح   العمر...دمعه   و  صبر...ما  ينجبر...كسرهم
صحت   بألم...و  بلا  قلم...دمعي  رسم...صورهم
و                     القدر                    حجبهم
v
لو       وسدتني       باللحد       جمع      العشيره
و     ابجوا     عله    اللي    جثته    ظلت    أسيره
نايم      يويلي      اعله     الثره     ابحر     الظهيره
كل    وصله    مشموره    ابكتر    شلته    ابحصيره
بويه             عالشريعه...صارت            الفجيعه
اجفوفه        عمي       عباس...عالنهر       قطيعه
ما   ظل   أمل...بعد   الأهل...من   انجتل...قمرهم
صحت   بألم...و  بلا  قلم...دمعي  رسم...صورهم
و                     القدر                    حجبهم

المرسل: الخميس, 22 نيسان/أبريل 2021