قصيدة : يا دفان
الشاعر : ميرزا عادل اشكناني
الرادود : الحاج ملا باسم الكربلائی
في حسينية المرحوم الحاج داود العاشور
كربله إتعناها يا دفانها...بيها واري امشيبها و شبانها
******
واري أجساد البقت فوق الثره ...لا غسل و اعله التراب اموذره
لملم بإيدك عظام امكسره ...صارت الخيل العده ميدانها
******
صد يدفان الأرض بيها الجسوم ...غارقه يا ويلي ببحر الدموم
و السباع الضاريه اعليها تحوم...عاريه ابقفرة هجير أبدانها
******
حين توصل كربله للطيبين ...ليّن القاع ابمصب دمعة العين
بيها احفر حفره لنصار الحسين...صفوة الشجعان من فرسانها
******
تالي يدفان بالوّن و النحيب...يمها شق لحد و لجن خله قريب
و إدفن بوسط اللحد جثة حبيب ...شيخ الأنصار و زعيم أركانها
******
تالي روح إحفر قبر لجن جبير...بيه دفن اسباتعش كوكب يصير
من بني هاشم و لا إلهم نظير...أشراف كلهم من نسل عدنانها
******
تالي روح العلقمي و صد بالنظر...تلقه جن نجمين وقعن يم قمر
مو قمر عباس هذا اعله النهر...جثته او يمها اوقعن ذرعانها
******
هناك يا دفان إحفر حفرته ...بالقبر واري يعقلي إجنازته
ما أوصيك ادفن اوياه رايته...بلجن إتخضر مناره امجانها
******
تالي يدفان من المشرعه ...حين عباس ايتواره ابمضجعه
روح لم حسين جسمه و جمّعه...اموذره اعضاءه بوسط قيعانها
play_arrow
play_arrow
play_arrow
play_arrow
play_arrow
play_arrow
تعليقات