قصيدة : دمعي يجري
 للشاعر : ميرزا عادل أشكناني

الرادود : الحاج ملا باسم الکربلائی

 

دمعي...يجري...زينب عقبكم  ظلت  ابحيره
******
يهل   الحرب   و   الخيل   يهل  الحميه...يهل  الشرف  يسباع  يوم  المنيه
اشلون  أرفج  بممشاي  قوم  آل  اميه...عقب الخدر يا حيف أطلع سبيه
******
يا  هاشم  و  هالنوم  ما  هو  ابمحله  ...و اعله الهزيله ابقيت دمعي أهله
أمس  القمر  عباس  ايفّيلي  ضيه  ...و  اليوم  أمري  بأيد  زجر  و خوّله
******
من   طوّح  الركبان  حادي  الضعينه  ...مر  بينه  عالميدان  غصبن  علينه
شفنه  الاخو  مذبوح  و  امسلبينه  ...من  نحره  نسمع صوت نوح وونينه
******
و  من  عالنهر  مريت  و  الدمع  ساجم...ابعيني شفت عباس عالغبره نايم
من  عالهزل  ناديت  يا  قمر  هاشم...قوم  احمل  الفقّار  و احمي الفواطم
******
عجبه و بلا وليان أقطع البيده ...و أطوي اعله ظهر النوق ادروب البعيده
ما  جنّي اخت عباس و بنت الصميده...تالي الشمر يا حيف ايسلبني بيده
******
عقب  الدلال  الجان  عقب  المهابه  ...خدري الذي محروس بأهل النجابه
ما جنت دهري ابيوم أحسب احسابه ...اينزلني بأرض الشام و أغفه بخرابه
******
برغم القلب مجروح و اجروحه كثره ...عفيه اعله قلبي اشلون ما نفذ صبره
بالطشت  راس حسين و عيني تنظره ...و أنظر رقيه اتموت وهيه اعله نحره

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x