قصیدة : يمسلم    ...آنا   عمك   حيدر
الشاعر : علي الخفاجي

الرادود : الحاج ملا باسم الكربلائي

 

 

يمسلم    ...آنا   عمك   حيدر
يمسلم    ...بيدك   إقلع   خيبر
******
أرد  أوصيك  من  تطب  للكوفه
أكثر    الناس    بالغدر   معروفه
ضدك  الجيش  من  يجرد اسيوفه
خلي الأبطال عزمي بيك اتشوفه
يمسلم   ...خلي   صوتك   يزأر
******
عزمك   اليوم   ينعرف   مقياسه
هذا  ميدان  إحنه  أهله  و ناسه
عمك  اهنا  لبس  درعه و طاسه
وكت  الحروب  غيره  يجدح راسه
يمسلم...   و   انت   ما  تتعذر
******
قوم   الأشرار   خلهم  ايعرفونك
لازم   ابزوك   عمك  ايشوفونك
إقلع  الباب  و  إعتلي  بميمونك
إيدك   الموت   فنهم   ايلاقونك
يمسلم   ...لا   يهمك   عسكر
******
لو  عتب صار بين طوعه و بينك
يا  علي اتصيح لو شفتها ابعينك
لازم    اتلوح    رايتك   بيمينك
للنصر  جاي  و  احنه منتظرينك
يمسلم   ...عمك   اعله  الكوثر
******
زلزل   الجيش   يبني  عيد  أيامي
و  المثل  هاي  أبني بيك أحلامي
تكبر   اليوم   صورتك   جدامي
قاتل إعداك و انت جبدك ضامي
يمسلم...   ضحي   دم   المنحر
******
آنا    وياك    نكشف   العادونه
قالوا   أنصار   بالعجل   غدرونه
لجل  الأطماع  يا  وسف  خانونه
للوحي   جان   أقرب   يشوفونه
يمسلم...    دوله   أهل   المنكر
******
لابد    الروس    تشهد   البتارك
ضحي  بالروح و إعتني الأقدارك
باجر  اتشوف  من  تهب أنصارك
يجي   المختار  بيده  ياخذ  ثارك
يمسلم   ...يعله   صوت   المنبر

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x