Sun20211128


حتى الممات ياحسين

باسم الكربلائي

حتى الممات ياحسين باسم الكربلائي
باسم الكربلائي
لطميات
إجعل هذا الفيدیو في موقعك
128 × 72
240 × 135
480 × 270
640 × 360
عرف
:طول
px
:عرض
px
حتي الممات ياحسين - باسم الكربلائي
تاريخ الاضافة
2014-09-28
المشاهدة
2525
المدة
00:08:24
عدد التحميلات
616

نص هذا المقطع

قصیدة : حتى الممات ياحسين
الشاعر : الاستاذ وسام الشويلي

الرادود : الحاج ملا باسم الكربلائی
في حسينية المرحوم الحاج داود العاشور

 

مني كل قطرة دمه متفايضه...عله إمصاب حسين تنزل موعضه

من حياتي لحسين...الحد مماتي لحسين

******

يسكت إلساني و يظل يحجي الدمع...و الضماير و القلوب التستمع
ليش نحر حسين بالطف ينقطع...و الضلوع اليا قضيه إمرضرضه

******

مني مو بس دمعه تجري إبعاطفه...هاي دمعه إتحير أهل الفلسفه
قبلي شرعها الرسول المصطفه...فاطمه البيها مشت و المرتضه

******

إشلون ما أجري المدامع من دمه ...و المجالس بيها تحضر فاطمه
إتصيح آه يبني الفطر قلبه الضمه...آه يالبيك السهم مقبل مضه

******

صوت جفي عالصدر وقت اللطم ...يعني صرخة رفض في وجه الظلم
حسين راد الدين ما راد الحكم...لعنة الله إعله الأصوات المغرضه

******

إنت لو تفتهم فلسفة البجي...جان عن الشيعه بطلت الحجي
الدين طاح و قال لحسين إتجي...مد له جف عباس أخوه و أنهضه

******

النوح ثوره قائمه و هذا النعي ...ينفضح بيه الدعي و إبن الدعي
ليش خايف من ونيني و مدمعي...ليش حربك شانها إعله الرافضه

******

دمعتي ترسم حزن آل النبي ...عطش و إخيام و ذبح نار و سبي
دمعتي تفضح يزيد الناصبي...كل خليفه إبحكم ربه ما رضه

******

للقيامه حسين بيَّ جمرته...محور الكل الوجود إمصيبته
الحمدلله شرفاني إبخدمته...قضه عمري و دم عيني ما قضه

المرسل: الإثنين, 01 شباط/فبراير 2021