قصيدة : مجنون بيك وحبّيت
الشاعر : الأديب ناظم الحاشي

الرادود : الحاج ملا باسم الكربلائی

 

مجنون    بيك    و    حبّيت...   و   انت   الملكة   إحساسي
حبك      بشرياني      ايدور     ...و     أتنفسّك     بأنفاسي
******
ما  شفت  مثلك  بشر  لو حبيته...انت الوحيد البلقلب خليته
جدمي             المحبتك             عالجمر             مشيته
و   أعطش   و   أشوفك   بالماي...   و   أتذكرك   لو  ناسي
حبك      بشرياني      ايدور     ...و     أتنفسّك     بأنفاسي
******
قلبي  ابمحبتك  عالعشق  علمّته...لجنون  حبك عالقلب سلّمته
عمري          الأثر          جدمك         نذر         قدمّته
كلمن    يجس    نبضي    يقول...    هذا    العشق   عباسي
حبك      بشرياني      ايدور     ...و     أتنفسّك     بأنفاسي
******
لاموني بيك و كلهم اللاموني...عرفوك تالي و عالعشق حسدوني
مجنون           بيك          و          خادمك          سمّوني
تاج     و     خدمتك    عالراس...    يالبيك    رافع    راسي
حبك      بشرياني      ايدور     ...و     أتنفسّك     بأنفاسي
******
حبك  سبب  هذا  الجنون  البيه...علمّني  صوتك صرخة الحريه
من              كربلائك              ماخذ             القدسيه
انت      الملاذ      المأمون      ...من      الزمان      القاسي
حبك      بشرياني      ايدور     ...و     أتنفسّك     بأنفاسي
******
أتباع  دينك  منقذ  ايعدونك...أهل  الصليب  الثائر  ايسمونك
مجنونة           بيك           الناس          و          يحبونك
يا   نبض   قلبي   و   بس   بيك...   لو   فاخرت   جُلاسي
حبك      بشرياني      ايدور     ...و     أتنفسّك     بأنفاسي
******
لو جار وكتي من الوكت تحميني...من أمد جفي بلا فضل تنطيني
حبك           أماني          و          حبك          امكفيني
علمّني   حبك   ما   ضوق   ...من   الذلة  و  أشرب  كاسي
حبك      بشرياني      ايدور     ...و     أتنفسّك     بأنفاسي

تعليقات

لإرسال تعليق یجب أن تسجل في الموقع

مقاطع فيديو

more_horiz

مقالات المرتبطة

آخر الصوتيات المضافة

آخر المرئيات المضافة

  • 2.00x
  • 1.50x
  • 1.00x
  • 0.75x