ويلي على المسموم

ويلي على المسموم

ولي عل المسموم كظه العمر مالوم
**********************************
زنزانة البصره عكب ماسجنوه
هارون آمرهم ابسرعه اينقلوه
ال سلطة الفضل ابن الربيع ايودوه
بسجن الفضل كظه اسنين للموته يتمناهه
*********************************
تهاون الفضل ابن الربيع ابجتله
واكتبله هارون الرشيد ايكله
ال زنزانة الفضل ابن يحيى اتنقله
روح الامامه ابلوعات تتنقل للمنفاهه
*********************************
الكاظم حمل جور ومظالم هارون
عن اهله ومن بي بالزنازن مسجون
شيعته بدمعات المصيبه اينشدون
بياذنب سجنوه الكوم والياجنازه يتناهه
*********************************
خلوه لوعات وغصص يتحمل
كل يوم من سجن ال سجن يتنقل
والسجن ابن شاهك النوبه اترحل
ابهالسجن كل ساعه الروح طول الاجل يدناهه
*********************************
هذا السجن مظلم صدع ركن الحيل
خل المدامع تنحدر مثل السيل
ما يكدر ايميز نهاره من الليل
جم فاجعه اتشيب الراس هذا السجن آذاهه
*********************************
ابرجله الحديد وابظلام الداجي
ايواصل صلاته وللاله ايناجي
يارب عبدك آنه ومنك راجي
انقذني من هل الديجون روحي الوحي آذاه
********************************
وابيوم من ايام سجنه المشؤم
لن ابن شاهك عل الغدر صار ايحوم
من السجن طلعو نعش المسموم
واجنازة الكاظم هاي فوك الجسر خلاهه
********************************
والشيعه طلعت بالمصايب تنعه
يم النعش كله اوكفت مجتمعه
بدموعهه نعش الغريب اتشيعه
تجري المدامع واتصيح عزتنه فاركناهه
********************************
من كبل ما يندفن نعشه ابمثواه
لن يحضر ابنه الرضا وتهمل عيناه
بيده دفن جسم الغريب اواراه
شيعته اتواسيه ابنوح وهو ابحزن واساهه