مابين الصفا ومروة

قصيدة : مـا  بـيـن الـصفى ومروة

للشاعر : الأديب الحاج جابر الكاظمي

الرادود : الحاج ملا باسم الكربلائی

مـا  بـيـن الـصفى ومروة تسعي للحجيج الناس
أنـا زيـنـب صـرت اسـعى بين حسين والعباس
يـا هـو الـي اصـل يـمه واشاهد جثته بلا راس
وقفت مثل الي وقف محرم... اصيح بصوت يا بن امي
******
مـثـل مـا تـحـرم الـحجاج حزينة ومحرمة بالهم
اذا زمـزم بـارض مـكـة انـا بعيني يصب زمزم
لـكـن  زمـزم يتطافح ماي وانا دمعي يتفايض دم
مـهـمومة  وكثر همي... واصيح بصوت يا بن امي
******
اطـوف بـكـعـبـة خـيامي وخيامي تشب بنار
مـثـل  مـا تـنـفـر الحجاج نفرت عيلة المختار
حـرم هـجـمت عليها الخيل لفاها الليل بالاخطار
وأنـا لا والـي ظل يمي ... اصيح بصوت يا بن امي
******
مـثـل مـا تـفـتدي الحجاج وتقدم للذبح قربان
انـا الـقـربـان قـدمته اخويه الي منذبح عطشان
صـحـت  يـا  لـيلة الحدي عشر يا ليلة الاحزان
بـحزني ولوعتي وهضمي... اصيح بصوت يا بن امي
******
الـي يـحـج يـعود لداره وانا ما ادري اطلع وين
مـرة لـمـصـرع العباس ومرة لجسم اخويه حسين
هـنـا انـظـر نـحـر مقطوع هنا متقطعة جفين
تـهدم كل ركن عزمي... واصيح بصوت يا بن امي
******
رحـت  لـلـمـشرعة بحزني ودمعتي بعيني مذروفة
رحـت  لـن شفت ابو فاضل صريع مقطعة جفوفه
رجـعـت يـم جسم ابو الاكبر ذبيح عيوني تشوفه
تـمـنين  انسفك دمي... واصيح بصوت يا بن امي