Sat20211204


مسلم قدم يا برهان

باسم الكربلائي

عدد التحميلات
1620
كود المدونة او الموقع
لإضافة مقطع مسلم قدم يا برهان بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
مسلم قدم يا برهان - باسم الكربلائي
تاريخ الاضافة
2011-11-08 08:30:46
عدد الاستماعات
916
المدة
00:21:56
عدد التحميلات
1620
نص هذا المقطع

قصيدة : مــســلم قـــدم يـا بـرهـــان
 للشاعر : الأديب الحاج جابر الكاظمي

الرادود : الحاج ملا باسم الکربلائی

 

مــســلم قـــدم يـا بـرهـــان          جــاوب يـالـعـنــدك ايـمــان

واهــل الكـوفـه          اشلون اتعوفه

جــاوب يـالـعـنــدك ايـمــان

******

هـاي الـحـقايق من صميم الواقـــع          صـاحـب الـفـكره عن فكرته ايدافع

للـكــوفه نـدخـل بـالـبـحث وانـتابـع          شنهو السبب صارت هدف للطامع

نـدرسـها ابحـكمه وعرفان          وانـحـلـل مـوقـفـهـا اشچان

للــــذل ركـعــت          لـيـش انخـدعت

جــاوب يـالـعـنــدك ايـمــان

******

مـــا ردنــه بـالـكـوفه نـعــدد أدوار          ولا ردنـه نكشف عنها كل الأسرار

اول خـيـانـه ابــتـدت ضــد الكــرار          واتخـذت اويـه الحسن نفس الآثار

ظــلــت خـطـــوات الـبهتان          تتــواصــل ويــه الأزمـــان

حـيـــن اتـفــكـر          شنــهـو اتـقـرر

جــاوب يـالـعـنــدك ايـمــان

******

وثــالـث خـيـانـه عن طريق البيعه          گـالـولـه أمـرك يـبـو اليـمـه انطيعه

هـالعـهـد من دمـنـه حـبـر تـوقـيعه          واشـلـون نغـدر والضـمـيـر انـبيعه

نـســألــهـم ويــن الـوجدان          بـاعـــوه بـأرخــص أثمــان

همــه الحـلـفـوا          ليــش انحـرفوا

جــاوب يـالـعـنــدك ايـمــان

******

وحسـيـن لـمـن بـعـث مسـلـم لـيّها          كــل غـايـتـه مـن الظــالـم ايـنـجيها

خـانـت ابـمـسـلم عـادت لماضيــها          يالــواعي هـاي الحـالـه شـتـسميها

رفـعــت رايـــات الطـغـيـان          صــــارت للظـــالـم أعــوان

عـــن هالغــدره          اشـعـنـدك فكره

جــاوب يـالـعـنــدك ايـمــان

******

هـالنـاس ردت لـلأصــل والمصـدر          لـيـلـه وضحـاهـا الحال عدها اتغير

عــافــت المـعـروف ومشت للمنكر          عافت الخيـر وراحت لصوب الشر

طـــبـــع الغـادر والـخــوّان          مـرفــوض ابكــل الاديــــان

ومـوقف مسـلم          عـنـه اشـتـرسم

جــاوب يـالـعـنــدك ايـمــان

******

مســلـم بـذل للـدين روحـه وعمره          مــن فـكـر ابــو الـيـمـه تـولد فكره

أول شـهــيد افتــده ابـدرب الثـوره          واتوضــح البـرهان من دم نـحــره

مســلـم مـــن دم الـشـريان          وضـحــلك مـعنى الإنســـان

ضــحّــه ابدمــه          شنـهي الحكمه

جــاوب يـالـعـنــدك ايـمــان

******

مـسـلـم حـيـاتـه بـالشـهاده اختمها          لاچـــن تــرك طفــلـه الحـزن ألَّمها

طـفـلــه ودهـرهـا من الزغر يتمها          هالطفله مـن شـوفة أبوها احرمها

اشما تجري دموع الاحزان          مــا تگـدر تـطـفـي النـيران

طـفـلـه اتـنـاشد          ويـــن الــوالـــد

جــاوب يـالـعـنــدك ايـمــان

المرسل: الثلاثاء, 06 تموز/يوليو 2021