أربع بنين أعطيتك
باسم الكربلائي
قصیدة : أربـــع بـنـيـن انـطـيـتـــك
الشاعر : الأديب الحاج جابر الكاظمي
الرادود : الحاج ملا باسم الکربلائی
أربـــع بـنـيـن انـطـيـتـــك ســالــم تــرد يـا ريـتــــك
عـالـدرب مشبوحه العين انتـظــر جـيـتـك يحســـين
ســالــم تــرد يـا ريـتــــك
******
مـن يــوم شــد الــراحـلـــه وبـالظـعــن ســـار الحــادي
لليـــوم مــا عـنــدي خـبــر مـنــــك يــروح الـــهــــادي
عيـنـي اعـلـه دربك شابحه وكـــل ســـاع اهيـم ابوادي
أصـــرخ ردت سـالـم تـــرد مـــيــهـــم تــــروح أولادي
طــول العـمـر بـاريـتــــك اتـفـــارگـنــي مـا ظـنـيتك
شـيداوي گلبي المجروح يـالـخــذت ويــاك الــروح
ســالــم تــرد يـا ريـتــــك
******
يـالـعـشــت مـا بيـن الجـفن والگـــلـــب بيـــك اتـولـــع
لا آنــه عگـبـك صـــابــــره ولا آنـــه أجــري المدمـــع
وانـــذرت يـولـيـــدي نـــذر لــو خــبـر مـنـــك أسـمـــع
أزرع طـريـــق الطـف ورد لـــو شـــفـت ظـعـنك يرجع
ترجـــع إلـي اتـمـــنـيّـتـك واعـلـــه الــدرب تـانـيتك
أولادي راحـــــت ويـــاك بــس إنـت يصـعب فرگاك
ســالــم تــرد يـا ريـتــــك
******
مــن طـوح الحـادي ومشه أجـــري الـدمـــع خـــــلاني
مـا أدري يحـسـين اشسبب مـــنَّك خـبـــر مــا جــانـــي
انطـيـتـك أعـــز مـا بـالعمر وارخصـــــت الـك شـــبّاني
دون الـبـنـيــن الأربـعــــــه بـــس اســمـك اعله لساني
مـا لحـظــه يبـني انسيتك واعـلـــه الفكـــر خـلـيـتك
مهـمـومـه واحســب أيام وعـــليَّه كـــل يــوم ابـعام
ســالــم تــرد يـا ريـتــــك
******
صــرت احسـب أيـام السفر واعــلــه الجــمر انـتـظرك
اويـــاك الـبـنـيـن الأربـعــه نـــذرت عمــرها لـعــمــرك
كــل ولـد مـن عـدهـم ضلع وانــت الـگــلــب اعـتـبـرك
هــاي الضـلـوع اتحـافــظك لـــو يــوم خـانـــك دهــرك
بهــالأربـعـــه حــامـيـتـك وبـكــــل أمــــر واسـيـتك
انـــت الأمــل مـن دنيـاي يـا مـن غـبت عـن عيناي
ســالــم تــرد يـا ريـتــــك
******
اتكــاثـرت حسـبـات الفــكر وحــمـــل الـصــبـر أتـعـبني
ســـاعه اگــولــن بالظـــعن ترجــع واشــوفــك يـبـنـــي
وســـاعـه تمر حسبة حزن تـهـــضــنــي واتـعـذبــــنـي
وآنـه اعـله هـالحاله صرت كـــل سـاعه حسـبه اتذبني
ابـلـهـفـة گـــلـب ربـيـتـك اَويــه الأربعـه ســــاويتك
يالـرحت عـني ومـا جيت شـلت إيدي للرب ودعيت
ســالــم تــرد يـا ريـتــــك
******
تنـطــفــي وتـسـعـر بالچـبد جمـــرة مصـابي وهظـــمي
وهـــاي العــلـيـلـه فـاطـمه بالــــدار ظــــــــلـت يـمــــي
اتشــاركــنـي لـوعة فرگتك وهــمـــــهـا يـشــابـه همـي
صــاحـت يهـالرحت ابسفر عفــــت الـلـهـيـب ابجـسمي
وآنـــه بـصــبـر تـانـيـتـك بعــــت الـعـمـر واَشـريتك
اتگابـلـنه والدمعه تسيح كل وحده من عدنه تصيح
ســالــم تــرد يـا ريـتــــك
******
يـالـعـفـت هـالـطفله ورحت منـهــــو الـيــــرد لـهـفـتها
احتــاريـت انــوح لمحـنـتي أو أنـحـــب لـمـحـــنـتــــهـا
يحســين أبــد مـــا تختــلف عــــــن حـــالـتــي حـالتـها
صـــاحــت الطـفــله ونادتك هــــاك اســـمع لصــيـحتها
يــا بـويــه مـوحـش بيتك اتطــول السـفـر مـدريتـك
اخــلافـك بگـيت بهالحال والگـلـب نـــاداك وگــــال
ســالــم تــرد يـا ريـتــــك
المرسل:
الإثنين, 12 نيسان/أبريل 2021
