يا زهرتي القطعوها - وفوق الترب نثروها

قصيدة : يـا زهـرتـي الـقـطـعـوهـا

الشاعر : الأديب الحاج جابر الكاظمي

الرادود : الحاج ملا باسم الکربلائي

يـا زهـرتـي الـقـطـعـوهـا ... فـوق الـتـرب نـثـروها
بـالآم ... غـابـت روحـي ... يـا جـسـام ... غـابت روحي
******
يـا  بـنـي يا جاسم يا ثمر دلالي ... يا زهرة أحلامي و يا مسرة حالي
غـذيـتـك  ابـدمع الموده الغالي ... و اعقدت يبن الحسن بيك آمالي
يـبـن الـحـسـن تـدريـنـي ... يـجـري الـدمـع من عيني
امـن الـظـلام غـابـت روحـي ... يـا جسام ... غابت روحي
******
ظـنـيـت أشـوفـك بالعرس تتهنه ... ما أدري من دم النحر تتحنه
و قـلـبـي يـجاسم لو تناشد عنه ... بس النحب و النوح تسمع منه
أجـري الـدمـع مـو بـيـدي ... افـراقـك صـعـب يوليدي
اويـه  الأيـتـام ... غـابـت روحي ... يا جسام ... غابت روحي
******
يـبـنـي يـجاسم يا أعز من الروح ... محد يحس بالجرح غير المجروح
يـاريت نحري قبل نحرك مذبوح ... و لا شوف دمك عالترايب مسفوح
بـالـقـلـب شـبـت نـاري ... و عـقـبـك تـهدمت داري
قـلـبـي انـضـام ... غابت روحي ... يا جسام ... غابت روحي
******
سـاهـرت  مـن أجلك ليالي و أيام ... و اتحملت برباك لوعه و آلام
حـسبت  أشاهد  زفتك يا جسام ... ما أدري تالي اتخيب هاي الأحلام
خـابـت الـيـوم أحـلامـي ... لـمـن طـحـت جـدامـي
بـهـا الأحـلام ... غـابـت روحي ... يا جسام ... غابت روحي
******
شـمـعـة شبابك بالحرب طفوها ... و جمرة امصابك بالقلب شعلوها
زفـتـك  صـارت  مـثلما رادوها ... و اجفوفك ابدم النحر حنوها
لا أقــدر أحــمــل ذلــه ... و مـحـد يـداوي الـعـلـه
مـن الأسـقـام ... غـابـت روحي ... يا جسام ... غابت روحي
******
يا جاسم ابصوت المصايب ناديت ... لو أدري مني اتروح بالطف ماجيت
بديار  غربه عقب عينك ظليت ... و بيتي انهدم من طحت يا سور البيت
خـابـت عـلـيـك آمـالـي ... و انـهـدم بـيـتـي الـعالي
عـل الإكـرام ... غـابـت روحـي ... يا جسام ... غابت روحي
******
حسبت  أعلق  لك لعروسك شمعه ... ما أدري هاي الشمعه تصبح دمعه
ابـدار  الـغـرب ياريت صوتي اتسمعه ... ناديتك و حالي تغير وضعه