أه يا مظلوم

قصيدة : عـبـد الله يـا مـصـيـوب

للشاعر : الأديب الحاج جابر الكاظمي

الرادود : الحاج ملا باسم الکربلائی

عـبـد الله يـا مـصـيـوب .... يـبـني آه يبني
عـالـمـهـد روحـي اتـلـوب .... يبني آه يبني
******
يـا فـرحـت عمري الما دامت يا شهقة قلبي المجروح
ضـمـيـتـك  ما بين اعيوني يا طيف العايش بالروح
بـيـا عين أنظر مهدك خالي اشلون أنظر نحرك مذبوح
شـفـت الـنـحـر مـخـضوب .... يبني آه يبني
ويـن  أطـلـع الـيـا صـوب .... يـبني آه يبني
******
يـا  دمـعـة عـيني الما تنشف يا مذبوح ابسهم البين
لـو  أدري  اتروح و ما ترجع جان اسقيتك ماي العين
مـلـيـت  الـدنيه و ما بيها وين أطلع و أتوجه وين
و هـالأمـر مـا مـحـسـوب .... يـبني آه يبني
و سـهـم الـعـده اشـمـطلوب .... يبني آه يبني
******
عـنـد مـهدك سهرانه اعيوني و ناديت بدمعي الهمال
يـا عـطـشان اقعد يوليدي هاك اشرب ماي الدلال
بـالـطف  قطعوا  زهرة عمرك و انقطعت كل الآمال
و جـمـر الـحـزن مـنـشـوب .... يبني آه يبني
اشـلـون  الـقـلـب  مـيذوب .... يبني آه يبني
******
يـا عـبدالله و أصعب موقف موقف خله الروح اتحوم
كـل  ساعه  أنسه و انظر مهدك و أتذكر ذبحوك القوم
و  اردوود أنـسه و أنظر مهدك لن خالي امجانك هاليوم
هـذا  الـعـلـي مـكـتـوب .... يـبني آه يبني
و دمـع الـجـفـن مـسـجوب .... يبني آه يبني
******
مـهـمـومـه  و ناديت بإسمك يبني و يا زهرة دنياي
عـطـشان و ذبحوك إقبالي أشلون أشرب و أتهنه ابماي
مـا تـخـمـد نارك يوليدي و جمراتك تسعر بحشاي
صـوتـي  ابـدمـع مـصـحوب .... يبني آه يبني
أحـمـل صـبـر جـم دوب .... يـبـني آه يبني
******
احترقت كل صفحات اسنيني و راحت ويه الريح الهاب
ظليت  أصرخ يا عبد الله امصابك يابني أشلون امصاب
قـبلك  ريت  اتصوب نحري ولا اشوفن نحرك ينصاب
و  دمـك نـسـج لـك ثـوب .... يـبني آه يبني
و  ثـوب  الـعـمـر مـسـلوب .... يبني آه يبني
******
إنـتـه  اعـيوني  الأنظر بيها يا عبد الله أشلون أنساك
أحـمـل كـل اهموم الدنيه و لا ساعه اتمر من فرقاك
و بـسـاعـة دفـنك يوليدي دفنوا روح أمك وياك
حـاربـنـي دهـري الـنـوب .... يـبني آه يبني
و لـجـلـك قـطـعـت ادروب .... يبني آه يبني