فاطمة المسمار لما صابها

قصیدة : فـاطـمـه الـمـسمار لمن صابها

الشاعر : الأديب السيد سعيد الصافي الرميثي

الرادود : الحاج ملا باسم الکربلائی

فـاطـمـه الـمـسمار لمن صابها     يـا عـلـي وجـهت ليك اعتابها
*****
يـمـن  رديت الشمس من المغيب     و الـبعيد اعله الخلق عندك جريب
يا علي اشهالصبر يا الصبرك عجيب     حـارت  الـصـبرك  الناس اببابها
*****
يـلـمـبرد  النار و المنجي الخليل     و يا من ابشخصك كمل دين الجليل
وشفت دمعة فاطمه اعله الخد تسيل     مـن  أثـر كسر الضلع و امصابها
*****
مـن هضمها انتخت و اتهمل الدمع     كـسر  خاطرها  و ألم كسر الضلع
بـاب دارك يـا وسـافـه يندفع     و  حـصـن خـيبر إنته قالع بابها
*****
يـمـن بـالخندق امسجل ملحمه     وصـلـوا  الـدارك يحماي الحمه
و حـين خلف الباب لاذت فاطمه     الـسـتر  رادت  ما عليها احجابها
*****
الـبـيك  جانت بالحرايب تستجير     اشـلون تجسر يا علي اتقودك أسير
و  هاي حكمه ابغير حكمه ما تصير     أسـد غـاب أصـبح أسير اذيابها
*****
لـون  مـا حكمة الباري و طاعته     و مـا لـفت يم دارك و لا وصلته
مـن  يـصدق زود عدها و جتفته     و  جـانـت  السيفك تدنق أرقابها
*****
يـبو  احسين  البضعه بت خير المله     عـنـدك  امـودعها  يا عقد الوله
وصـتـك  بـثيابه جسمي غسله     حـيـث ما رادت تشوف اصوابها