Wed20210922


اخاف امن اعوفك

باسم الكربلائي

عدد التحميلات
1544
كود المدونة او الموقع
لإضافة مقطع اخاف امن اعوفك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
اخاف امن اعوفك - باسم الكربلائي
تاريخ الاضافة
2011-11-02 08:58:53
عدد الاستماعات
2407
المدة
00:25:35
عدد التحميلات
1544
نص هذا المقطع

قصیدة : اخاف من اعوفك

الشاعر : الأديب الحاج جابر الكاظمي

الرادود : الحاج ملا باسم الکربلائي 

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

******

ياعباس اختك اني ولاتبارحني
جنت انت تمسيني وتصبحني
ردتك لان متت شوفك يفرحني
كلام الشامت بفركاك يجرحني
ياريت الموت اخذ روحي ويريحني
اذا انساك الله لا يسامحني
اخاف اشتكيلك واعذب دليلك
واريد بدموعي ابرد غليلك
تودعك دمعتي واخاف برجعتي بعد مااشوفك

******

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

******

اودعك يا ابن ابوي ولليسر اطلع
واعوفك بدر غايب نوره بالمصرع
مثل جسمك توذر قلبي وتقطع
كلامي وياك صار يجذمه المدمع
اذا ارجع ياخوي شراح اتوقع
اذا ارجع اشوفك بعد من ارجع
اباصر دليلي بسفرتي ورحيلي
كلتله عجيبه افارك كفيلي
على فقدك حسبتي
واخاف برجعتي بعد مااشوفك

******

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

******

اصيح واليموت شينفعه الصايح
سكتت ودموعي جدول على الوجه سايح
غصب عني اعوفك والظعن رايح
بلا توديع اتركك على النهر طايح
تعاتب لا تعاتب والعتب جارح
تودني والي يود من شيمته يسامح
ظعنه برواحه يريد السماحه
تسير الظعينه ونيني ونياحه
تنشدك مهجتي واخاف برجعتي بعد ما اشوفك

******

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

******

انشدك لو مشيت بظعني واتيسر
تقدر تنهض تشد الظعن تقدر
اذا بأسيافه خصمك يضرب الخدر
تقدر تحمي عيله وسايره بهل البر
اذا جتالك بمجلس شتم حيدر
تقدر تجي هناك تدافع وتحضر
اذا وكفونه بمجالس عدونا
حرم واحنا نسمع يشتمون ابونا
شينشف عبرتي واخاف برجعتي بعد مااشوفك

******

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

******

اذا اني مسبيه من يمك رحت ومشيت
عني ماقمت يااباالفضل حميت
اذا اني بمجلس دخلت وحايره ظليت
اذا حشمتك وللنخوه مالبيت
العذر مقبول منك ياخويه لو ما جيت
شلون تقوم وانت بس جسد ظليت
ياجمره حنيني يعذرك ونيني
عسى مني قطعوا يساري ويميني
شيرجع لهفتي واخاف برجعتي بعد ما اشوفك

******

اخاف من اعوفك بعد مااشوفك
اذا ماتجيني اقدر ظروفك
طويله رحلتي واخاف برجعتي بعد مااشوفك

******

شخلت ساحه الطف خذت مني فحول
شحجي وي النهر والسهم والعامود
فطر جبدي العطش بالنار سهمه الجوع
اذا تسكن لحد اسكن ياخوي لحود
للطف ياابن ابوي الظعن مني يعود
اخاف مااشوفك لو رجعت ردود
يطول غيابي واجيك بمصابي
اذا مالقيتك تزيد عذابي
تهيج جمرتي واخاف برجعتي بعد مااشوفك

المرسل: السبت, 22 أيار 2021
نور النور 2014-04-16 08:23:40
طيب الله أنفاسك والله يقويك أحيوا أمرنا رحم الله من أحيا أمرناصراحة ياحيا الله هذه الأنفاس الطيبة التتعب على اللطميات التختارها كلمات وأداء ولغة وإتقان أتمنى من جميع خدام ورواديد ال البيت والإمام الحسين عليه السلام يحذون حذو ملا باسم الكربلائي