Tue20191015


يا شاطئ الموت 1

باسم الكربلائي

عدد التحميلات
1098
كود المدونة او الموقع
لإضافة مقطع يا شاطئ الموت 1 بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
يا شاطئ الموت 1 - باسم الكربلائي
تاريخ الاضافة
2011-11-01 09:40:31
عدد الاستماعات
991
المدة
00:17:29
عدد التحميلات
1098
نص هذا المقطع

يا شاطئ الموت

يا شاطي الموت حاجيني .......أنا العباس تدريني
أريد الماي ..أريد الماي
تريد أنطيك جفيني ......أخذها وهاك ضي عيني
وأبيع دماي..أريد الماي
نهر الفرات وياك.......جيت أحجي وأتمناك
تسمعني لو ناديت
عيالي اتركتها هناك.......عطشانه تترجاك
هذا أنا يمك جيت
ما تدري منهو الجاك.......عباس أنا الفتاك
ولجرفك تعنيت
إي والذي أجراك.......بالسيف أسد مجراك
لو بالعذب شحيت
عفت أطفال بخيامي.......أروي اليوم كل ظامي
أنا العباس ..أنا العباس
أقصدت والموت جدامي.......سحقت الجيش بجدامي
على رغم عداي..أريد الماي
* * *
بالخيمة عفت أعيال.......عطشانة والأطفال
تشرب نمير العين
وأنا أعلى ذاك الحال.......بمناثر الجلال
ودعت أخوي حسين
وبمدمعه الهمال .......ويايه يحجي وقال
عليك أخشى مني البين
يا أبا الفضل أهوال.......خيل وفزع وارجال
تتحاوشك صوبين
صحت يا حسين لا يهمك.......العلامة وياي ضلع أمك
أنا العباس ..أنا العباس
الخيار يصير من خصمك.......تريد الماي لودمك
أقول بهاي ..أريد الماي
* * *
ودعته للمظلوم.......جيت وشفت هالقوم
جدامي مثل السيل
شفت الدرب ملزوم.......خيل ورجال تحوم
تتخطى عاليا ويل
عليها الأجل مرسوم.......عطشى وتريد أدموم
وصاعد عجاج الخيل
والحومة جنها غيوم.......وأصبح نهار اليوم
يشبه سواد الليل
رجال وخيل حاطتني.......صحت والقوم سمعتني
أنا العباس ..أنا العباس
ثدايه الطيب رضعتني.......وحجور الزود ربتني
وأنا الوفاي..أريد الماي
* * *
عزمي أنفجر بركان.......وأنذهلت الفرسان
ما تدري وين تروح
وتماوج الميدان.......والدم صبح طوفان
مهري سفينة نوح
طايف على الأبدان.......وتغطت التربان
موج الدمى المسفوح
شردت بلا أذهان .......من شافت العدوان
درب المفر مفتوح
الخصم بالسيف ذليته.......لدرب الموت دليته
أنا العباس ..أنا العباس
دماه يفوج خليته.......سواد الليل راويته
أقصدت عناي ..أريد الماي
* * *
جان الدرب مسدود.......خيل وزلم وحشود
ماهمني وتخطيت
ويايه جبت الجود.......هذا أنا بحر الزود
ياما زلم ذليت
يالشاطي وأنت شهود.......خل يشهد المعبود
هذا العهد وفيت
حفظ العهد مريود.......لازم أرد ردود
تدري شقلت شحجيت
إذا هالماي ما حصله.......النبع أفنيه من أصله
أنا العباس..أنا العباس
أرد بالجود يامحلا.......أضحي الروح من أجله
يضل رجواي..أريد الماي
* * *
نهر الفرات شلون.......بيك العدى يحيطون
يا من وعدتهم جان
هالعايلة يمنعون.......مايك ولا يدرون
عبد الله ضل عطشان
وأطفالي ينتظرون.......قطرة عذب يردون
منتظرة بالصيوان
مشبوحة منها عيون.......ومن الظمى يشعرون
وسط المهج نيران
أرد بالجود وأتمنى.......لأخوي حسين أتعنى
أنا العباس..أنا العباس
بيميني السيف يتغنى.......يردني الجيش ما ظنه
ثبت هالراي..أريد الماي
* * *
هنا يا الفرات تشوف.......بالماي أرد ملهوف
وأتعنى للأيتام
أرجع وأنا المعروف.......ما يهمني جيش وخوف
متهمني هلأزلام
وش ما تجي لصفوف.......رماح ونبل وسيوف
أفنيها بالصمصام
لو قطعوا لجفوف.......بالجود أرد زحوف
وأقصد أهل وخيام
حرم وأطفال يتنوني.......أريد الماي يردوني
أنا العباس ..أنا العباس
عدى الأشرار يلفوني.......سهم بالعين يرموني
قطع يمناي ..أريد الماي

المرسل: السبت, 10 تشرين2/نوفمبر 2012