Fri20210917


صوت الراية

باسم الكربلائي

عدد التحميلات
3382
كود المدونة او الموقع
لإضافة مقطع صوت الراية بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
صوت الراية - باسم الكربلائي
تاريخ الاضافة
2011-10-31 08:52:44
عدد الاستماعات
1042
المدة
00:12:07
عدد التحميلات
3382
نص هذا المقطع

قصيدة : صوت الرایه

الشاعر : الادیب السيد عبد الخالق المحنّه

الرادود : الحاج ملا باسم الكربلائی

 

تمشي إليك توسلاً خطواتي
وأعدها إذ أنها حسناتي
وودت لو أنَّ الطريق لكربلاء
من مولدي سيراً لحين مماتي
لأُنادي في يوم الحسابِ تفاخُراً
أفنيتُ في حُب الحُسين حياتي

******

أوصل زحف لحسين
خذ ولائي كربلائي
لوتعبن الرجلين أوصل زحف لحسين
خذ ولائي كربلائي
******
مجنون وحُبك علمني ما ساوم واخضع هيهات
هيهات الذِّلة إتعاشرني والمات إبدربك
چم طاغي الحاول يمنعني وأرفع رآيات الثارات
لبيك الحد گطع المنحر صوت الدم يصنع ثورات
******
في دمائي يارجائي
أثبت أُصول الدين أوصل زحف لحسين
خذ ولائي كربلائي
******
شايل يوم الطف بعيوني وإبجفني إتنام الأحزان
نتعلم من هذا المنبر نصنع ثورة على الطغيان
ملتزمين بهاي الخدمة بسهالخدمة إتعلي الشآن
وحسين اليرفع خدّامه وإيخلي الخادم سُلطان

****** 

في حياتي أومماتي
وي لهفت الماشين أوصل زحف لحسين
******
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
******
مشايه إتگصدك أنصارك عالعاده ورغم الأخطار
كل گطره السالت من نحرك أُنشودة ابدرب الأحرار
كل دمعه إبدربك محسوبه وإبكل خطوة إنصيح الثار
ويتمنًه العباس اچفوفه من يسمع صوت الزوار

****** 

لاح ضيفي أين كفي
وينادي دمع العين أوصل زحف لحسين
******
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
******
وإبدرب الطف لاحت رآيه رفّت بكثر من تصريح
تهتف لبيك وثار الله وين إتميل يهب الريح
رآيه وچف حيدر لازمها من إطيح الگاع إطيح
أصغي وإسمع صوت الرآيه وينك ها يالمهدي إتصيح
******
شبلُ حيدر حين يظهر
وينادي بالضلعين أوصل زحف لحسين
******
خذ ولائي كربلائي
لو تعبن الرجلين أوصل زحف لحسين
خذ ولائي كربلائي
******
مولاي إبخدمت زوارك صارت محسوده الخدّام
كل ظنه الظالم يرهبني منصدّر حكم الإعدام
أتلگى الزاير بدموعي هاك ارموشي إتغطى وانام
أتشرف بتراب اجدامك وصفة إترابك للآلام

****** 

قطعُ نحري تاجُ فخري
وينه المنعني وين أوصل زحف لحسين

****** 

خذ ولائي كربلائي
لو تعبن الرجلين أوصل زحف لحسين
خذ ولائي كربلائي

****** 

من إبعيد الگبرك أمشي وأسبح من دمعي المسفوح
وأسمع صوت يجرا بروحي وچف مگطوع هناك يلوح
يستقبل زينب والعيله والموعد يم المذبوح
وإنواسي السجاد إبصبره وإنداوي الگلب المجروح

****** 

صاح قلبي إي وربي
لو بالعمريومين أوصل زحف لحسين

****** 

خذ ولائي كربلائي
لو تعبن الرجلين أوصل زحف لحسين
المرسل: الأحد, 30 أيار 2021
ابو اسماء 2011-11-27 07:49:42
الحسين ألق حاضرنا وماضينا ومستقبلنا ففي القصيدة تذكرنا بالالام وشدة الظلم الذي مارسه النظام البائد كلقطة من تاريخ المحبين وقد اجاد الشاعر والرادود والموفي كله جميل وسرعان ما تنساب منا الدمعة تلو الاخرى لتطفيء غضب الجبار.تحياتي لكم ولموقعكم الشريف .