Sat20191019


يا يوم اشوف اعتابك

باسم الكربلائي

عدد التحميلات
5525
كود المدونة او الموقع
لإضافة مقطع يا يوم اشوف اعتابك بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
يا يوم اشوف اعتابك - باسم الكربلائي
تاريخ الاضافة
2011-10-29 09:25:16
عدد الاستماعات
5677
المدة
00:15:22
عدد التحميلات
5525
نص هذا المقطع

يا يوم اشوف اعتابك

الاديب جابر الكاظمي

 يايوم اشوف اعتابك
يايوم أشوف أعتابك .. أوقف حزين ببابكوارجع أزورك يا حيدر .. وارجع أزورك
طوّل عليه غيابك .. مشتاق أشم ترابكوارجع أزورك يا حيدر .. وارجع أزورك
آنه الهويتك .. لا تظن نسيتك
علي وهذا الاسم يسري بشراييني .. نبع يالما تمل شوقك رياحيني
عتب وياك عندي يراوح بعيني .. يمن فرقاك كدّر صفوة سنيني
أريد أحجي بصراحة وياك خليني .. أخاف مكدرات الجو تنسيني
يا بالحسن ما تدري .. صرت اشتريها بعمريشوفت ضريحك يا حيدر .. شوفت ضريحك
من الفرقة نافذ صبري .. وظلت تعيش بفكريشوفت ضريحك يا حيدر .. شوفت ضريحك
بروحي اشتريتك .. لا تظن نسيتكيا
يوم أشوف أعتابك .. أوقف حزين ببابك وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك وارجع أزورك يا حيدر .. وارجع أزورك
آنه الهويتك .. لا تظن نسيتك
عشت أعوام يمك يا ربيع الحي .. أنا ماعوفك جنت مثل الجُرف والماي
لو صرت بهجير أقصد إلك يا في .. ولو ليلي وقت دلهم أشوفك ضي
غصب من جنتك طلعوني أهل الغي .. وخلوني أظل لا ميت ولا حي
من جنتك حرموني .. برجوة أمل خلوني كل فكري يمك يا حيدر .. كل فكري يمك
عنك غصب بعدوني .. أمشي وأدير عيوني كل فكري يمك يا حيدر .. كل فكري يمك
عشت بثنيتك .. لا تظن نسيتك
يا يوم أشوف أعتابك .. أوقف حزين ببابك وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك وارجع أزورك يا حيدر .. وارجع أزورك
آنه الهويتك .. لا تظن نسيتك
مو بيدي غصب عفتك يبو الحسنين .. وعنك رحت أتلفت وأدير العي
نقلت هالفرقة بالميت شهر شهرين .. طالت يا علي لا سنة ولا سنتين
أناشد عالصبر ما أدري دربه منين .. خذن ثلثين حيلي مخلفات البين
دنيايه نفرت عني .. وحتى الصبر مل مني مشتاق أشوفك يا حيدر .. مشتاق أشوفك
أغفى بوسادة ظني .. وأصحى على دمعي ووني مشتاق أشوفك يا حيدر .. مشتاق أشوفك
ياما نخيتك .. لا تظن نسيتك
يا يوم أشوف أعتابك .. أوقف حزين ببابك وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك وارجع أزورك يا حيدر .. وارجع أزورك
آنه الهويتك .. لا تظن نسيتك
البعد شيبني يا من فرقتك كلفة .. وجرح شوقي غميج وما وقف نزفه
ليالي الظيم باقن بسمة الشفة .. وسنيني انقضت بالحسرة واللهفة
لجن بعده الأمل بالروح ما يخفى .. وأحس روحي بعدها لهالوقت ترفة
من عيني ينزف نوحي .. وآنه بترافة روحي أرسم خيالك يا حيدر .. أرسم خيالك
هالحبر دم جروحي .. وصرت بصحيفة نوحي أرسم خيالك يا حيدر .. أرسم خيالك
بروحي لقيتك .. لا تظن نسيتك
يا يوم أشوف أعتابك .. أوقف حزين ببابك وارجع أزورك يا حيدر .. وارجع أزورك
طوّل عليه غيابك .. مشتاق أشم ترابكوارجع أزورك يا حيدر .. وارجع أزورك
آنه الهويتك .. لا تظن نسيتك
بخيالك عايش من سنين وأتحسر .. ولا أدري مصيري شلون يا حيدر
صرت ما أشعر بطعم البرد والحر .. وإذا نسمة هوا تزاحمني أتكدر
جمر ظيمي بصميم حشاي يتوجر .. وبعيني غدت عبراتي تتكسر
ما عندي غفوة بنومي .. ولا صحوة تجلي همومي حيّرني بعدك يا حيدر .. حيّرني بعدك
مامش سعد بنجومي .. ولا فرحة تسعد يوميحيّرني بعدك يا حيدر .. حيّرني بعدك
ترحمني ريتك .. لا تظن نسيتك
يا يوم أشوف أعتابك .. أوقف حزين ببابك وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك وارجع أزورك يا حيدر .. وارجع أزورك
آنه الهويتك .. لا تظن نسيتك
يا وهجة عشق ناغت خلايا الدم .. إخلافك عمري ذرة وضايعة بمنجم
بغيرك شمل روحي ما بعد يلتم .. يبو الحسنين أنت الجرح والبلسم
يا يوم أوصلك وأكشف سحاب الهم .. وأنفض يم ضريحك كل غبار الهم
يا يوم أصل يم قبرك .. وأنصب مناحة بكترك وأبجي لمصابك يا حيدر .. وأبجي لمصابك
يالما صفا لك دهرك .. أذكر مرارة صبرك وأبجي لمصابك يا حيدر .. وأبجي لمصابك
وأذكر رزيتك .. لا تظن نسيتك
يا يوم أشوف أعتابك .. أوقف حزين ببابك وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك وارجع أزورك يا حيدر .. وارجع أزورك
آنه الهويتك .. لا تظن نسيتك
أتمنى مثل هاليوم جنت هناك .. وأجدد يم ضريحك هالعهد وياك
وأنصب مأتم على مصابك وأنعاك .. وون ون الثكالى لفقدك وفرقاك
لاجن ما نسيتك عايش بذكراك .. ضميري من البعد يا بالحسن ناداك
بين الدمع والحسرة .. أذكر لهيب الطبرةيصعب مغيبك يا حيدر .. يصعب مغيبك
من عيني تجري العبرة .. وبين الجوانح جمرة يصعب مغيبك يا حيدر .. يصعب مغيبك
بالهم بجيتك .. لا تظن نسيتك
يا يوم أشوف أعتابك .. أوقف حزين ببابك وارجع أزورك يا حيدر .. وارجع أزورك
طوّل عليه غيابك .. مشتاق أشم ترابك وارجع أزورك يا حيدر .. وارجع أزورك
آنه الهويتك .. لا تظن نسيتك

 

المرسل: أبو علي الإثنين, 22 نيسان/أبريل 2013
ام عبدالله 2014-05-23 06:35:57
طيب الله انفاسك على هاي القصيده اشكثر ابكي من اسمع هاي القصيده ولحد الان محتفظه بيها وادور عليها ب الانترنت الله يوفقك يا باسم الكربلائي