يا لوعة الزهره صاحة بيوم العترة

قصيدة : يـا  لـوعـت الـزهـره

الشاعر : الأديب جابر الكاظمي

 الرادود : الحاج ملا باسم الكربلائي

يـا  لـوعـت الـزهـره ..... صـاحـت يـبـو الـعتره..لوعني فرقاك بويه
مـهـمـومـه مـن بـعـدك ..... ريت أسكن ابلحدك..و أتوسدك اوياك بويه
******
يـطـيـف الـمـا يباريح صحوتي و نومي ..... يمن بغياب وجهك غابت انجومي
جـزاك الـلـوم مـا تـسـمـع بعد لومي ..... يبو ابراهيم و انته آخر اهمومي
اعـلـه  راسك شفت طير النايبه ايحومي ..... قبل يومك صحت ريت انختم يومي
ريـت انـحـمـل نـعـشـي ..... بـيـه الأجل يمشي..و ايضمني مثواك بويه
مـوتـي قـبـل مـوتـك ..... يـحـمـلـني تابوتك..و أتوسدك اوياك بويه
******
حـمـامـه و سـيف فقدك كسر اجناحي ..... أصيح ولا نفع يالمصطفه اصياحي
ابدمع  ليلي اجرحت وجنات مصباحي ..... و عله افراقك توالف صبري و انياحي
جفن عينك غفه و بس جفني ظل صاحي ..... سهرت الليله اعد اهمومي و اجراحي
فـقـدك خـطـف لـونـي ..... و امـسـاهره اعيوني..و عين الله ترعاك بويه
ريـت الـيـلـومـونـي ..... ابـقـبـرك يـنـزلوني..و أتوسدك اوياك بويه
******
سـكـن ليل المصيبه و هودرت دنياي ..... ألف آه اعله هضمي و لوعتي و بلواي
جـنـت  ويـاك  أمـس و انته جنت وياي ..... هالليله غبت يالهادي عن عيناي
اندهل  فكري  بويه و عندي ما ظل راي ..... صرت سجت عتب للرايح و للجاي
فـقـدك هـضـم حـالـي ..... مـحـرابـك إقـبـالي..موحش بلياك بويه
وسـفـه انـخـسـف بـدرك ..... ريـت أنزل ابقبرك..و أتوسدك اوياك بويه
******
يـريـت  الـبـيـن أخذ روحي قبل حيني ..... و لا هالموت يفصل بينك و بيني
عـنـدي  اشـظـل  بـعد ظل بس دمع عيني ..... و نذير الموت يم قبرك يتانيني
عـصـف ريـح الـحـزن و انـتـثرت اسنيني ..... عسن دفانتك وياك تخفيني
لـو نـاشـدت عـنـي ..... مـا فـارقـت ونـي..ابـكـل ونه ألكَاك بويه
و تـحـقـق اظـنـونـي ..... لـمـن يـدفـنـونـي..و أتوسدك اوياك بويه
******
يـبـويـه اعـلـيك أنوحن ليلي و انهاري ..... و تخاون بالبصيره دمعتي و ناري
ابـكـثر  ما أنتحب مل و جزع جاري ..... سكنت ابيت الأحزان و عفت داري
أحـاجـي  الـروح أقـلها القبرج إختاري ..... عساه البين أخذني و يخفي آثاري
بـعـيـونـي عـبـراتـي ..... و ابـقـلـبـي جـمراتي..تجمعها ذكراك بويه
مـا يـنـحـمـل هـمـك ..... ريـت أنـدفـن يمك..و أتوسدك اوياك بويه
******
شـبـح  صـوتي اختفه و بدموعي ناديتك ..... أموت آنه و تعيش ابدالي يا ريتك
بـالـسـم و الـسـيـوف اتموت ذريتك ..... و آنه أول ضحيه من أهل بيتك
الأجـل يـوحـي لـي جني الحفرتك جيتك ..... بعد جم يوم و احسبني تعنيتك
يـالـسـدرك ادمـوعـي ..... كـافـورك اضـلـوعي..لتصدق أنساك بويه
اتـرابـك يـتـانـيـنـي ..... لابـد يـواريـنـي..و أتـوسدك اوياك بويه