Wed20191211


نذرت الحب

باسم الكربلائي

عدد التحميلات
1733
كود المدونة او الموقع
لإضافة مقطع نذرت الحب بصوت باسم الكربلائي في موقعك او مدونتك انسخ الكد التالي :
30 × 300
30 × 450
30 × 600
30 × 1000
عرف
:طول
px
:عرض
px
کن اول من یعلق عن هذا المقطع الصوتی
نذرت الحب - باسم الكربلائي
تاريخ الاضافة
2011-10-29 08:54:50
عدد الاستماعات
480
المدة
00:19:29
عدد التحميلات
1733
نص هذا المقطع

قصيدة : نذرت الحب

الرادود : الحاج ملا باسم الكربلائي

للشاعر : السيد سعيد الصافي الرميثي

نذرت  الحـــــب ابو اليمه حيـــاتي
شـفـت حـبـه الـلـي يـحـقق امنياتي
واقـول  بـحب الحسين.... قليلة دمعة العين
شـفـت حـبـه الـلـي يـحـقق امنياتي

اوسـع  مـن  خـيـالي شما اشوفك بعتقادي
يـالـلي حبك سرى بدمي وتملك كل فؤادي
ولـهـذا الـسبب ياحسين احسك سر ودادي
الـك طـول الـوقـت يالغالي دايم انشدادي
يقيني وكل شعوري .... صرت مصدر سروري
احـبـك  والـلي يحب لازم يضحي ومايبالي
يـاغـايـة  أمـنـيـاتي.... الك ناذر حياتي
احـسك  نبض  قلبي وكل وقت انت على بالي

انـا بـعـيـن العقل شفتك مصيري يارجائي
شـفـت مـوتي على حبك ياحبيبي سر بقائي
واقـول  شـلون اعبر عن صدق حبي وولائي
إذا مـارخـصـت لأجـلك يابو اليمه دمائي
أضـحـي  لـك  وجودي ثمن حبك خلودي
وإذا اقـول انـت ديـنـي لاوحقك ما أغالي
صـرت  قـبلة صلاتي.... واشوفك انت ذاتي
وانـا بـحـبـك اريـدن ارتقي صرح المعالي

اجـيـت بـلـهـفة الضامي لأن قبرك فراتي
واروي ضـامـي بـشـمـة عطورك يانجاتي
يـامـن نـورك وضوئي وقبلتي بساعة صلاتي
واحـس  بذاتك القدس ارتبط من صغري ذاتي
وجـوب  لـقبرك اسعي.... واريد يلبي دمعي
يـلـبـي بـأسـمـك ويهتف انا العبد الموالي
عرش  رباني انا اشوفك .... واسبح من اطوفك
واذوبـن مـثـل شـمـعة واسرح بعالم خيالي

مـثـل حـبو والطفل احبو ضريحك يا امامي
عـلـى اعـتـابـه اخط بدمعة عيوني مرامي
واسـلـم  وانـا  ادري تـرجع عليه سلامي
وسـامـي هـذا مـن تـجـاوبـني وسامي
شـهـم قـلـبك أعرفه.... بحر فايض بعطفه
تـحـامـيـني  بشعورك عني يميني وعن شمالي
على اللي حزوا رقبتك.... عطوف تهل دمعتك
انـا الـخـادم الـك وانتظرك تحن على حالي

جـنـون الـهـايـم العاشق انا بحبك جنوني
اصـد لـمصرعك وانزف على مصابك جنوني
قـبـل  مـاقطعوا جسمك عسى انهم قطعوني
قـبـل  مـاصوبو جبدك وسط جبدي رموني
رسـول الله يـشمك.... على صدره يضمك
يـقـلـك  انـت مـنـي وانا منك يا مثالي
يـحـز السيف نحرك.... تدوس الخيل صدرك
قـبـل  راسك ردت راسي تشوفه برمح عالي

وحـق  كـل قطرة من دمك جرت بالغاضرية
وحـق  شـوغة  رضيعك سيدي ضلع الزكية
عـلـى مصابك لبكي الناس كل صبح ومسية
واصـيـح شلون زينب يا وسف راحت سبية
نـظـر عـيني لسيله .... على مصاب العقيلة
عـلـى  الـهزل مشت مسبية حرمه بغير والي
تودع  كل اهلها .... على الشاطي اللي كفلها
تـصـيح  بصوت  ياعباس لو تدري اشجرا لي

المرسل: الثلاثاء, 05 آذار/مارس 2019