حادي الضعن

 الرادود : الحاج ملا باسم الكربلائی

 حـادي  الـضـعـن نـوخ رحـلـي .... هـاي المدينه و دار أهلي
بـالـطـف  عـفـت قـبـر المظلوم .... جيت اعله قبرك يا مسموم
هـــاي  الـــمـــديـــنـــه و دار أهـــلـــي
******
ودعتك  الله  يا كريم أهل البيت .... و أطلعت للطف ويَّ الإخوه اتعنيت
ابعفة  خدر و بهيبه يبن أمي امشيت .... بسيوف إخوتي اتحجبت و اتخفيت
مـهـيوبه  أمشي  مو مثل ما رديت .... لا والي يم قبرك يبو امحمد جيت
رحـت ابـمـهـابـة ولـيـانـي .... جـيـت ابـدمعتي و أحزاني
و ابـفـاجـعـة قـلـبـي الـمالوم .... جيت اعله قبرك يا مسموم

******
ودعـت  قـبرك و اطلعت يالوالي .... أمشي و قمر هاشم كفيل ارحالي
طـول  الـدرب دجرك يطيب حالي .... يبن أمي لحظه ما رحت عن بالي
و  لـمـن أشوف احسين أخوك إقبالي .... يالحسن وجهك يبدي يتروالي
مـن نـصـبـوا إلـنـه اخـيـمـنـه .... جنك جنت بالطف يمنه
ابـعـالـم  مـصـابـك روحي اتحوم .... جيت اعله قبرك يا مسموم
******
لاح  الأجل بالطف و المقدر حان .... دارت رحه الحومه اعله فتية عدنان
أنـظـر جثث تتهاوه فوق التربان .... مثل الأوراق التوقع امن الأغصان
كـلـها  انتهت  راحت جميع الوليان .... هجن خواتك يالحسن بالوديان
لا  خـيـمـتـي ولا ولـيـانـي .... بـس دمـعـتي و نار أحزاني
و ابـنـايـبـة قـلـبـي الـمـهموم .... جيت اعله قبرك يا مسموم
******
مـا  ظل ولي و لا عدنه ظل امخيم .... واجروح جسم احسين تتنازف دم
ابـسـهم  المثلث حين جبده اتخذم .... اتذكرت جبدك من تقطع بالسم
نـاديـتك ابصوت النوايح و الهم .... يالحسن صدر احسين أخوك اتهشم
اخـيـول الـغـدر هـشـمـت صدره .... و اتذكرت ضلع الزهره
عـفـتـه  و  عـفـت صدره المهشوم .... جيت اعله قبرك يا مسموم
******
يالحسن هذا اللي جره اعلينه وصار .... عقب الأهل دارت علينه الأخطار
و  جسام  هذا إبنك رهين الأكدار .... اتوذر ابسمر القنه و بيض الأشفار
ابـذال  الـشـمع و بذال ذيج الأنوار .... لن بالخيم أنظر يبو امحمد نار
اشـمـوع الـعـرس مـن طـفـوهـا .... نـار الـمـخيم شبوها
و ابـجـمـرة الـخـدر الـمـضروم .... جيت اعله قبرك يا مسموم
******
ابـفـقد  الأهل من عقب ما هضموني .... للكوفه و الشام ابيسر مشوني
ابـمـجلس إبن هند الرجس دخلوني .... و ابشتم أبويه المرتضه ايحاجوني
و  راس الـحسين ابطشت من راوني .... ابجبدك الشفته بالطشت ذكروني
عـقـب  الـيـسـر  لـلـطـف رحنه .... و اعله القبر بالهم طحنه
و آنـه ابـنـفـس حـال الـمهضوم .... جيت اعله قبرك يا مسموم
******
يـالحسن  يبن أمي و حبيب الزهره .... بالطف أخوك احسين عفته ابقبره
جـيتك  جبت  لك صوغه من دم نحره .... جيتك جبت من المخيم جمره
جـيـيتك يبو امحمد ابنوح و حسره .... اقعد و خل نطفي الجمر بالعبره
بـالـطـف  عـضـيـدك خـلـيـتـه .... قـبـرك يخويه اتعنيته
أصـرخ يـبـو امـحـمـد هـاليوم .... جيت اعله قبرك يا مسموم