دخيلك يا عباس

قصيدة : حـيـاك  سبع  القنطره

للشاعر : الأديب السيد سعد الذبحاوي

الرادود : الحاج ملا جلیل الکربلائی

حـيـاك  سبع  القنطره.... إدخيلك يعباس
بـحـماك دنيه و آخره.... إدخيلك يعباس
غـيـره و مـراجـل.... حـي أبو فاضل
******
بـحـر الـوفـه لـهـل الـوفه.... عباس
مـا  يـعـتـذر  لـلـكـلفه .... عباس
اويـه يـحـسـين واضح موقفه .... عباس
مـثـل الـوصـي لـلمصطفه .... عباس
يـالخذت  شمرة  حيدره .... إدخيلك يعباس
مـن حـصن خيبر دمّره.... إدخيلك يعباس
دمـر  جـحـافـل .... حـي أبو فاضل
******
تـزعـل الـدنـيـه لـو زعل .... عباس
و  الـقـاع  تـرجـف لو حمل .... عباس
جـفّـل  إعـداه و مـا جـفل.... عباس
نـحـريـر صـامـد كـالجبل.... عباس
عفه  و شجاعه و مقدره .... إدخيلك يعباس
نـنـخاك  دنيه و آخره.... إدخيلك يعباس
إتـحـل الـمـشـاكل.... حي أبو فاضل
******
لـو  درعـم و شـد و إحـتزم.... عباس
مـن سـيـفـه مـا واحد سلم.... عباس
هـزام  مـا يـوم إنـهـزم.... عـبـاس
سـاق  الأعـادي  كـالـغـنم.... عباس
إبدمهم  غسل  وجه الثره.... إدخيلك يعباس
و خـلى الجثث متقنطره.... إدخيلك يعباس
يـدب فـطـاحـل .... حـي أبو فاضل
******
لـو ضـهـضب ايصب الغضب.... عباس
اشـحـده  الـذي  الحده جهب.... عباس
لـجـم الـمـسـكون و هذب.... عباس
تـعـب  الـدنـيـه  و ما تعب.... عباس
خـل الـجـيوش امحيره.... إدخيلك يعباس
ابـعاري  الكدر متكدره.... إدخيلك يعباس
زلــزل زلازل.... حـي أبـو فـاضـل
******
كـل إصـبـع ابـجـفـه بحر.... عباس
يـنـحـر  الـكـلـفه لو نحر .... عباس
يـخـرس الـكـون و لـو نظر.... عباس
تـتـجـادح اعـيـونـه جـمر.... عباس
بـحـرك ابماي العز جره.... إدخيلك يعباس
كـل  السفن  بيه مبحره.... إدخيلك يعباس
جـفـك  مـنـاهـل....  حي أبو فاضل
******
لـلـحـومـه هـرفي من غبش.... عباس
و  بـجـفـوفـه لاح أم النعش.... عباس
سـيـفـه  شرب  دم من عطش.... عباس
سـجـاهـا  عـالـغبره  لشش.... عباس
فـعلك  منهو  اليتصوره.... إدخيلك يعباس
مـحـتـاره بيه الفاكره .... إدخيلك يعباس
ابـكـل  الـمـسـائل.... حي أبو فاضل
******
امـصـيـت امـشـيـم ينتخه.... عباس
بـجـفـوفـه لـلـلخوه صخه.... عباس
ايـعـيـن  الـذي يـصتصرخه.... عباس
بـالـشـده يـحـضر و الرخه.... عباس
الـيـنـخاك ما تتعذره.... إدخيلك يعباس
و الـخـاطر إنت تجبره .... إدخيلك يعباس
بـحـر الـفـضـائـل.... حي أبو فاضل
******
مـن يـولـي بـالـشـده يعف.... عباس
خـنـيـاب جـفـه مـا يجف.... عباس
خـاف الـذي بـإسـمه ايحلف.... عباس
إبـشـارات أبـو فـاضل كلف.... عباس
شـاراتـك الـمتكرره.... إدخيلك يعباس
ابكل عصر هاي الظاهره .... إدخيلك يعباس
مـا يـرد سـائـل.... حـي أبـو فاضل